Madius 11:4 - Intas-Etipup Mat u Iesu Kristo 1863 (Aneityum Gospels)

⁴ Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau atahaijeg aijaurau um almoi:

Madius 11:4 ပူးပေါင်းရင်းမြစ်များ

Madius 11:3

um ika ehelen, Na atimi iyehki aiek, eris ika, Etpu ham aien, ka intupu aitgai yin akaija?

Madius 11:5

Et lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 15:30

Eris ahtag pan ehelen natimi is ahinag, um apos ilpu atimi asvahteuc neduora, im ilpu atimi aupat nesgaimtara, im ilpu atimi pop, im ilpu atimi ighin, im hal ra is ahinag, um ikni ra u eduei Iesu; is ago cehcehe ra aien.

Madius 21:14

Eris apan ehelen anliin neom ahlap a ilpu atimi aupat nesganimtara, im ilpu atimi asvahteuc neduora; is ago cehcehe ra aien.

Madius 8:3

Is adan nikman a Iesu, um atcei pan yin, um ika, Ek idim merit ainyak; namu adicinadicin aiek. Is um auroauro aien um adicinadicin va naleprose iran.

Joanes 14:11

Akumu eteuc an tas ineigki aijaua, nikavaig, ek amen ehele Etmak ainyak, um lep amen ehelek a Etmak: ka akumu eteuc an tas unyak aijaua va niji auritai unyak.

Joanes 5:36

Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.