Madius 11:3 - Intas-Etipup Mat u Iesu Kristo 1863 (Aneityum Gospels)

³ um ika ehelen, Na atimi iyehki aiek, eris ika, Etpu ham aien, ka intupu aitgai yin akaija?

Madius 11:3 ပူးပေါင်းရင်းမြစ်များ

Madius 11:10

aien aigki, eris aged intas vai yin, um ika, “Ek idim abrai naheca unyak ainyak mika yi uhup iram, etpu ahped nefalaig imi euc aien, um uhup iram.”

Madius 11:4

Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau atahaijeg aijaurau um almoi:

Madius 21:5

“Akumu ika aijaua ehele inhalav atahaig o Saion, Et apan ehelum a Natimarid unyum, et erop nedo o un, et ateuc an nifo aien, im lep inhakli nifo inhal o un.”

Madius 21:9

ara eris uhup ara, im lep ra eris apitac ara, eris ahlaig ara, um ika, Hosana vai Mapoi Tevit: Naaurineig vai yin et ham aien an nidai Natimarid; Hosana an nohatag ijinies acen.

Lukas 19:38

um ika, Naaurineig vai Natimarid ineig et ham aien an nidai Ihova: et eteuc neigpa an nohatag, im nimyiahpas an nuarin ijinies acen.

Joanes 11:27

Is um ika ehelen aien, Maiya, ak Natimarid: ek imyiisjis ninivaijec ineig ainyak, nikavaig, nai Kristo aiek, Inhal o Atua, eris ika, Etpu ham aien an nobohtan.

Joanes 12:13

eris leucse neri eaig ara, um apan, um aubillid yin, um ahlaig ijinies, um ika, Hosana! Naaurineig vai Natimarid u nupu Isreel, et ham aien an nidai Ihova!

Joanes 16:14

etpu ehvai natimi alupas unyak aien: etpu lep leh niji itai unyak aien, um asuptecnaig ehelemia.

Joanes 4:21

Is um ika ehelen a Iesu, Ak intakata ineigki, namu eteuc an tas unyak aiek, nikavaig, etpu yetpam naopan iyehki, aku wit eti alaigaheni vai Etmak aijaua an nedoon ineigki, um ucce Jerusalem.

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 7:31

Eris lep asgeig iran natimi is ahinag, eris tas ara, um ika, Et wit ham a Kristo, inyi ti ago niji auritai ehka aien inyi esjilid irai itai iji eigki et ago a natimi ineigki.