Madius 10:40 - Intas-Etipup Mat u Iesu Kristo 1863 (Aneityum Gospels)

⁴⁰ Aien et leh caua aien, et leh nyak aien; aien et leh nyak aien, et leh yin aien is abrai nyak aien;

Madius 10:40 ပူးပေါင်းရင်းမြစ်များ

Madius 18:5

aien et leh tah inhalav aien, et idivaig inhalav ineigki, va nidak, et leh nyak aien:

Madius 25:40

Etpu tas a Natimarid, um ika ehele ra, Et inivaijec ineig ek asaig ehelemia ainyak mika, akis wat ago nedo ineigki aijaua vaig tah natimi upoupo irai ilpu etoak iji eigki, akis idim ago vai nyak aijaua.

Madius 25:45

Etpu tas ehele ra aien, um ika, Et inivaijec ineig ek asaig ehelemia ainyak mika, akis wat eti ago nedo ineigki aijaua vaig tah natimi upoupo iji eigki, akis idim eti ago vai nyak aijaua.

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 9:48

um ika ehele ra, Aien etpu leh inhalav ineigki an nidak aien, et leh nyak aien; aien etpu leh nyak aien, et leh yin aien is abrai nyak aien: aien et upoupo aien iramia asega, etpu esjilid aien.

Joanes 13:20

Et idim inivaijec ineig ek asaig ehelemia ainyak mika, Aien et leh ra aien ek abrai ra ainyak, et leh nyak aien; aien et leh nyak aien, et leh yin aien is abrai nyak aien.

Joanes 20:21

Is lep ika ehele ra a Iesu, Etmu eteuc neigpa ehelemia: is idim abraig pam nyak a Etmak, et um ucco ek abraig pan caua ainyak.

Joanes 5:23

mika eri eccen vai Inhal o un natimi asega, et idivaig era eccen vai Etmak ara. Aien et eti eccen vai Inhal o un aien, et eti eccen aien vai Etman is abrai yin aien.