Madius 10:23 - Intas-Etipup Mat u Iesu Kristo 1863 (Aneityum Gospels)

²³ Eru wit abli caua ara an nuarin-pece inyi ethi, akumu aha pan aijaua an taka uarin: et inivaijec ineig ek asaig ehelemia ainyak mika, Akupu eti arahed ehni irai uari-pece Isreel aijaua, um imyihum pan naopan iyehki etpu ham a Inhal o natimi.

Madius 10:23 ပူးပေါင်းရင်းမြစ်များ

Madius 16:27

Etpu yetpam a Inhal o natimi an natimi alupas o Etman im lep ilpu agelo o un; etpu ago neruvaig imi atimi asega aien yi idivaig nauritai ura.

Madius 16:28

Et inivaijec ineig ek asaig ehelemia ainyak mika, Era aiji igcaki nahaiji atimi eri upyi hup ara um ecet Inhal o natimi napamvaig an nelcau o un, ja par emesmas.

Madius 2:13

Eris wat atga ura ara, is ehcohos pan ehele Josef a nagelo o Ihova, an numjeg ahnag o un, um ika, Atidai aiek, um leh inhalav im risin, um aha pan Ijipt, um amen eahki wat uhum pan naopan iyehki ekpu asuptecnaig ehelum ainyak: etpu ahilek inhalav a Herot mika yi atgei yin.

Madius 23:34

Ek abraig pan ilpu profeta ehelemia ainyak, im ilpu atimi arapakau, im ilpu atimi esege; ja akupu atgei nahaiji ra aijaua an nauicai atgeig, um aredei nahaiji ra irai eom alaigaheni unyimia, um atmas vai ra irai iji uari-pece;

Madius 23:36

Et inivaijec ineig ek asaig ehelemia ainyak mika, Etpu yetpam nitai iji eigki asega ira atimi an naopan ineig.

Madius 24:27

Et idivaig nauwainapit et ahes an ridjai o un, um ememina an nete o un; etpu idim ucco napam o Inhal o natimi.

Madius 24:30

ja uhpu ecetai nitai asjaaicnaig vai Inhal o natimi an nohatag: erupu aunyauwaig nup urai iji pece asega, erupu ecet Inhal o natimi ara inhamvaig an nepeig an nohatag an nemda o un im natimi alupas o un.

Madius 24:34

Et inivaijec ineig ek asaig ehelemia ainyak mika, Inyi upyi hup um ahni nitai iji eigki, ja erupu emesmas natimi an naopan ineig.

Madius 24:48

Ja el et ika a naheca has anliinmopon, Et eti fi auroauro um ham natimi alupas unyak;

Madius 25:13

Va nedo ineigki akumu aminjinai caua aijaua; eka eti ato nadiat ineig aijaua im inuarin-nadiat ineig etpu yetpam iran a Inhal o natimi.

Madius 26:64

Is um ika ehelen a Iesu, Na mun asaig aiek: ja ek asaig ehelemia ainyak mika, Akupu ecet Inhal o natimi aijaua an tak aopan nateucvaig an matan Et emda aien, im lep napam o un an nepeig an nohatag.

Madius 4:12

Is wat atahaijeg a Iesu, nikavaig, eris ati Joanes anliin neom ipjin, is apan Calili aien:

Lukas 18:8

Ek asaig ehelemia ainyak mika, etpu auroauro aien um aru vai ra. Ja et wit ehcohos a Inhal o natimi, inyi idim eti ecetai nimyiisjis ninivaijec an nobohtan aien.

Lukas 21:27

An naopan iyehki erupu ecet Inhal o natimi ara inhamvaig an nepeig an nemda o un, im lep an natimi alupas o un.

Joanes 7:1

Is wat ti pan itac nitai iji eigki, is atga sjipe a Iesu an pece Calili: is eti merit aien natga jipe vaig an pece Jutaia, va nitai ineig, nikavaig, eris ika a nupu Jutaia eri atgei yin.