Lukas 8:37 - Intas-Etipup Mat u Iesu Kristo 1863 (Aneityum Gospels)

³⁷ Eris ugni yin a nupu Catara asega mika yi atga o un aien, um ude ra; eris imtitaig alupas ara: is aridjai an nelcau aien, um adumoij pan.

Lukas 8:37 ပူးပေါင်းရင်းမြစ်များ

Madius 8:34

Eris ahes an nuarin-pece iyehki natimi asega, um apan um aubillid Iesu: eris wat ecet yin ara, eris ugni yin ara mika yi atga o un aien, um ude inpece ura.

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 5:8

Is wat almoi a Saimona Pitrus, is atpuse aien u niji neduei Iesu, um ika, Ude nyak aiek; ek atimi auatatimi ainyak, ak Natimarid.

Lukas 8:28

Is wat ecet Iesu aien, is aunyauwaig aien, um atpuse an nuhup o un, um ahlaig ijinies, um ika, Nai merit aiek vanhe ehelek, ak Iesu, Inhal o Atua esjilid? Ek ugni euc ainyak, mika an jim abli nyak aiek.

Lukas 8:36

Ara eris almoi ara, eris asuptecnaig ehele ra ara nedo ineigki is umoh vaig aien is amen iran a ilpu agelo has.

Lukas 8:38

Is ugni yin a natimi iyehki, eris atceijai yin a ilpu agelo has, mika yi ahced yin aien: ja is adceijai yin a Iesu, um ika,

Lukas 9:5

Eru wit eti leh caua natimi, aku wit ahes an nuarin-pece iyehki aijaua, wat atga unyimia um ucjucjai obohtan irai eduomia aijaua, nitai asuptecnaig imi ra.

Lukas 9:56

et eti ham a Inhal o natimi mika yi auahas atimi, ja et ham aien mika yi imyiatamaig ra. Eris apan ara an nuarin-pece is eche.