Lukas 7:50 - Intas-Etipup Mat u Iesu Kristo 1863 (Aneityum Gospels)

⁵⁰ Is ika ehele intakata aien, Eh mun imyiatamaig euc va nimyiisjis ninivaijec unyum; atga unyum aiek an neigpa.

Lukas 7:50 ပူးပေါင်းရင်းမြစ်များ

Madius 9:22

Is um ahidai yin a Iesu, um ecet yin, um ika, Ak intakata ineigki, namu imyiacitak aiek; na mun cehcehe aiek va nimyiisjis ninivaijec unyum. Is um cehcehe a intakata an nuarin-nadiat iyehki.

Lukas 17:19

Is ika ehelen aien, Atidai aiek, um atga unyum: na mun cehcehe aiek va nimyiisjis ninivaijec unyum.

Lukas 18:42

Is ika ehelen a Iesu, Etpu lah nesganimtam aiek: na mun cehcehe aiek va nimyiisjis ninivaijec unyum.

Lukas 7:9

Is wat atahaijeg intas ineigki a Iesu, is imyiali yin aien, um ahidai yin, um ika ehele ilpu atimi ahced yin, Ek asaig ehelemia ainyak mika, kis eti ecetai tah nimyiisjis ninivaijec esjilid ainyak, et idivaig ineig, an pece Isreel asega.

Lukas 8:18

Va nedo ineigki, akumu atahaijeg aijaua um aktaktai upene: aien et o un itai, uhpu alupai yin; aien et eti o un itai, uhpu atipagki ehelen niji itai o un et ika aien o un.

Lukas 8:42

is eteuc inhalav atahaig o un is ethi ache, is twelv mesese iran, is ubutpotet o unmas o un aien. Is wat apan aien, eris atamerit ehelen atimi.

Lukas 8:48

Is um ika ehelen aien, Ak intakata ineigki, namu imyiacitak aiek: na mun cehcehe aiek va nimyiisjis ninivaijec unyum; atga unyum aiek an neigpa.