Lukas 6:17 - Intas-Etipup Mat u Iesu Kristo 1863 (Aneityum Gospels)

¹⁷ Is asuol aien im lep ra, um aiji igca is marara, im ilpu atimi atahaijeg yin is ahinag, im lep natimi is ahinag acen irai iji uari pece asega Jutaia im Jerusalem, im lep irai iji uari pece u unjop Tairus im Saiton, eris ahtag pan ehelen ara mika eri atahaijeg yin, um lep ika yi ago cehcehe ra aien va nemehe ira ra;

Lukas 6:17 ပူးပေါင်းရင်းမြစ်များ

Madius 11:21

A’a, auwe vai caua, ak nupu Koresin! a’a, auwe vai caua, ak nupu Bedseta! el eris ago nauritai esjilid iji eigki an nuhup u nupu Tairus im nupu Saiton eris mun ago an nuhup unyimia, el eris adumoij anliinmopura ara itu acen, um aso ra irai apelumai ucai, um ereuc an nohpa.

Madius 12:15

Is wat ato a Iesu, is ahes eahki aien um atga o un: eris apitac yin natimi is ahinag, is ago cehcehe ra asega aien;

Madius 14:14

Is wat apan a Iesu, um alum atimi is ahinag, is aiheuc vai ra aien, um ago cehcehe ilpu atimi emehe ira ra.

Madius 15:21

Is ahes eahki a Iesu um atga o un, um apan irai iji uari pece Tairus im Saiton.

Madius 5:1

Is alum atimi is ahinag aien, um aridjai an nedoon: is wat ateucse aien, eris apan ehelen a ilpu atimi atahaijeg yin.

Lukas 5:15

Ja is um idim apaahni intas vai yin: eris ahtag pan ehelen natimi is ahinag mika eri atahaijeg intas o un, um lep ika eri cehcehe va niji emehe ura.

Lukas 6:12

IS ahes eahki aien an naopan iyehki, um apan an nedoon, mika yi alaigaheni, is amen aien an nepeig asega, um alaigaheni vai Atua.

Lukas 6:16

im Jutas etoai Jakobus, im Jutas nupu Karyot, aien aigki is atimi aniv yin aien.

Lukas 6:18

im lep ra eris amen ira ra a ilpu agelo has: is ago cehcehe ra aien.