Lukas 23:42 - Intas-Etipup Mat u Iesu Kristo 1863 (Aneityum Gospels)

⁴² Is ika aien ehele Iesu, Ak Natimarid, namu imyiehva nyak aiek, na wit apan an nelcau unyum aiek.

Lukas 23:42 ပူးပေါင်းရင်းမြစ်များ

Lukas 12:8

Ek lep asaig ehelemia ainyak mika, Aien inyi asuptecnaig nyak aien an nuhup o atimi, etpu lep asuptecnai yin a Inhal o natimi an nuhup o ilpu agelo o Atua:

Lukas 18:13

Is aiji itac acen a natimi akwanaham, is pam eti easji pan an nohatag aien; is ahpoi inritin aien, um ika, Ak Atua, aiheuc vai nyak aiek, ek atimi auatatimi ainyak.

Lukas 23:41

eh mun idim ago nedo atoh vai caijau; intau mun leh nimtan nedo ujau akaijau: ja is eti ago tah nedo has natimi ineigki.

Lukas 23:43

Is ika ehelen a Iesu, Et inivaijec ineig ek asaig ehelum ainyak mika, Napu amen ehelek aiek a paratais an nadiat ineigki.

Lukas 24:26

eris idim ika yi leucse nohocred iji eigki a Kristo, ja par leh natimi alupas o un.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 20:28

Is tas a Tomas, um ika ehelen, Ak Natimarid unyak, im lep Atua unyak.