Lukas 23:35 - Intas-Etipup Mat u Iesu Kristo 1863 (Aneityum Gospels)

³⁵ Eris aiji atimi um almoi. Eris imyiafakahcil yin ara, im lep ilpu atimi alupas, um ika, Is imyiatamaig tak atimi aien; el et Kristo aien natimi is ati yin a Atua, etmu imyiatamaig yin aien.

Lukas 23:35 ပူးပေါင်းရင်းမြစ်များ

Madius 12:18

“Alum naheca unyak aijaua, kis ati yin ainyak; et halav cop unyak aien, et imyiacitak yin inliinmopok ainyak: ekpu ati Nesgak ehelen ainyak, etpu asuptecnaig intas atoh aien ehele nup urai iji pece:

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Lukas 16:14

Eris lep atahaijeg nitai iji eigki asega a ilpu Farisi, eris merit vai padiaig ara: eris imyiafakahcil yin ara.

Lukas 23:13

Is asjapicnaig ilpu atimi ahlap esjilid a Pailet, im ilpu atimi alupas, im atimi asega,

Lukas 23:39

Is atuh yin natimi auatatimi is ethi ira rau eris atgei rau, um ika, El et Kristo aiek, namu imyiatamaig cataij aiek.