Lukas 1:32 - Intas-Etipup Mat u Iesu Kristo 1863 (Aneityum Gospels)

³² etpu esjilid aien, uhpu anvi nidan par ika Inhal o un Et esjilid aien: etpu ati imi yin a Ihova Atua dorona o etpon Tevit:

Lukas 1:32 ပူးပေါင်းရင်းမြစ်များ

Madius 1:1

Nitasvitai vai ilpu retpoi Iesu Kristo, mapoi Tevit, is mapoi Ebraham aien.

Madius 12:42

Etpu atidai a natimarid takata Siba an nadiat almaijidjid, um ated atimi an naopan ineig: is ahes aien an nehni va nobohtan um apam, mika yi atahaijeg narapakau o Solomon; ja et amen tah igcaki et esjilid aien irai Solomon.

Madius 28:18

Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Madius 3:11

ek idim baptiso iramia ainyak an wai mika aki adumoij anliinmopomia aijaua: ja aien inyi ham aien um apitac nyak inyi idim esjilid irak aien, ek eti upene ainyak par apos incedpun eduon: etpu baptiso iramia aien an Nesgan Upene im lep incop:

Lukas 1:15

etpu esjilid aien an nuhup o Ihova, inyi ti umnyi waina aien im kava; uhu wit apos yin, etpu idim amen alupas ehelen a Nesgan Upene:

Lukas 1:35

Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Lukas 1:76

Ak inhal unyak, uhpu anvi nidam par ika na profeta o un aiek Et esjilid aien: napu uhup aiek irai Natimarid, par ahped nefalaig vai yin;

Lukas 3:16

is tas a Joanes, um ika ehele ra asega, Ek idim baptiso iramia ainyak an wai; ja etpu yetpam tah inyi ethi, inyi esjilid irak aien, ek eti upene ainyak par ahiyi nehtit an cedpun eduon: etpu baptiso iramia aien an Nesgan Upene im lep incop:

Lukas 6:35

Akumu aiheuc vai ra aijaua era tak atimi iramia ara, um ago nedo upene vai ra, um alupai ra itai, um jim aktaktai neruvaig; etpu esjilid nimtan imi caua, akupu ilpu hal o un aijaua Et esjilid aien: et ago nedo upene aien vai ra sji ehki era eti aktaktai nedo upene o un ara, im lep vai ilpu atimi auatatimi.

Joanes 12:34

Eris um ika ehelen atimi, Ecra ato aijama an tas alep er ika, etpu amen a Kristo irai iji mesese: na auri aiek par ika, Eris idim ika uhpu atijai Inhal o natimi? Inhal o natimi neigki di?

Joanes 6:69

ecra imyiisjis ninivaijec aijama um ato, nikavaig, nai Kristo aiek, Inhal o Atua umoh.