Joanes 9:39 - Intas-Etipup Mat u Iesu Kristo 1863 (Aneityum Gospels)

³⁹ Is um ika a Iesu, Kis ham an nobohtan ainyak par aru jipe nedo o atimi, mika eri alum itai a ilpu atimi aupat nesganimtara; im lep mika yi aupat nesganimtai ilpu atimi alum itai.

Joanes 9:39 ပူးပေါင်းရင်းမြစ်များ

Madius 11:5

Et lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 15:14

akumu ude ra aijaua: era aupat ara, um atau ira ra era aupat ara: el era atau irai ilpu atimi aupat nesganimtara a ilpu atimi aupat nesganimtara, erupu eropropse ara asega an nehpanitai.

Madius 6:23

Ja el et aplan nesganimtam aiek, etpu aupat nohum asega. El et aupat inlah unyum, etpu esjilid acen naupat unyum!

Lukas 1:79

par lah ehele ra era amen an naupat ara, et ahelmon ra inmas, um lep atau iraija an nefalaig eigpa.

Lukas 13:30

Ara era apitac ara erupu uhup ara, jai ara era uhup ara erupu apitac ara.

Lukas 2:34

Is asan tas upene vai rau a Simeon, um ika ehele Mere risin, Eris ati inhalav ineigki mika eri eropse nahaiji atimi inyi ahinag, um atidai inyi ahinag irai nupu Isreel, et lep itai asjaaicnaig uhpu asan tas has vai yin:

Lukas 4:18

“Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Lukas 7:21

Is um ago cehcehe atimi is ahinag aien an nuarin-nadiat iyehki va nauatialidi ira ra, im nemehe has, im ilpu agelo has; um ago lah nesganimta atimi is ahinag is aupat nesganimtara.

Joanes 12:31

uhpu aru nedo has an nobohtan an naopan ineig: uhpu lep atipagki natimarid an nobohtan ineigki:

Joanes 12:46

Kis ham ainyak par itai lah an nobohtan, mika eri jim amen an naupat a ilpu atimi asgeig irak asega.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 3:19

Eris ika erupu emesmas atimi va nedo ura, nikavaig, is ham inlah an nobohtan, ja is aiyu inliinmopoi atimi va naupat, jam has inliinmopura ara vai inlah, va nedo has ura.

Joanes 8:12

Is lep tas ehele ra a Iesu, um ika, Ek itai lah an nobohtan ainyak: aien etpu apitac nyak aien, inyi ti atga an naupat aien, etpu leh nitai lah aien, um umoh.

Joanes 8:15

eka aktaktai va atimi aijaua et idivaig nedo an nobohtan; ja ek eti auanaktaktai naico vaig tah ainyak:

Joanes 9:25

Is tas aien, um ika, Ek eti ato ainyak, kit et atimi auatatimi aien, ka o’o: ja ek idim ato nitai ineigki ainyak, nikavaig, is aupat nesganimtak ainyak, ja ek alum itai ainyak an naopan ineig.