Joanes 9:29 - Intas-Etipup Mat u Iesu Kristo 1863 (Aneityum Gospels)

²⁹ ecra ato aijama, nikavaig, is tas ehele Moses a Atua: ja ecra eti ato aijama is ahes eda a nat naico.

Joanes 9:29 ပူးပေါင်းရင်းမြစ်များ

Madius 12:24

Eris wat atahaijeg a ilpu Farisi, eris ika ara, Et ahlo ilpu agelo has a nat naico vai Belsebub natimarid o ilpu agelo has.

Madius 26:61

um ika, Is ika a nat naico, Ek emda ainyak par auahas neom ahlap o Atua, um lep ago an nadiat inyi eseij.

Lukas 23:2

Eris atupun ara um atijai itai iran, um ika, Ecris ecet nat eigki aijama nauahasvaig inliinmopoi atimi an pece, is acaiji ra aien mika eri jim ahtai mune imi Sisar, um ika, Ek Kristo ainyak Natimarid.

Joanes 1:17

Is alupai caija intas alep a Moses, ja is ahes ehele Iesu Kristo intas aiheuc va atimi um inivaijec.

Joanes 7:27

inta ato akaija inuarin ineig is ahes iran a natimi ineigki: ja et wit ham a Kristo, inyi ti ato tah natimi inuarin ineig etpu ahes iran aien.

Joanes 7:28

Is efehtas a Iesu anliin neom ahlap an nesege o un, um ika, Eka ato nyak aijaua, im lep inuarin ineig kis ahes iran ainyak: kis eti tup ispuk ham ainyak, et inivaijec aien is abrai nyak aien, ja eka eti ato yin aijaua:

Joanes 8:14

Is tas a Iesu, um ika ehele ra, Ek asuptecnaig nyak ainyak, et inivaijec intas asuptecnaig nyak unyak: ek ato ainyak inuarin ineig kis ahes iran ainyak, im lep napan unyak iran; ja eka eti ato aijaua inuarin ineig kis ahes iran ainyak, im lep napan unyak iran:

Joanes 9:16

Eris ika nahaiji ilpu Farisi, Is eti ahes ehele Atua natimi ineigki, et eti apos nadiat atumop aien. Eris lep ika nahaiji ra, Et ehka vai natimi ineig et auatatimi aien nagovaig nauritai ehka iji eigki. Eris imyiisjis jipe ara.

Joanes 9:24

Eris lep ahlaig vai natimi iyehki ara, is aupat nesganimtan, um ika ehelen, Namu imyiahpas Atua aiek: ecra ato aijama mika et atimi auatatimi natimi ineigki.

Joanes 9:30

Is tas ehele ra a natimi iyehki, um ika, Et itai imyiali ineig mika, eka eti ato aijaua is ahes eda aien, ja is idim asalgei nesganimtak aien: