Joanes 9:16 - Intas-Etipup Mat u Iesu Kristo 1863 (Aneityum Gospels)

¹⁶ Eris ika nahaiji ilpu Farisi, Is eti ahes ehele Atua natimi ineigki, et eti apos nadiat atumop aien. Eris lep ika nahaiji ra, Et ehka vai natimi ineig et auatatimi aien nagovaig nauritai ehka iji eigki. Eris imyiisjis jipe ara.

Joanes 9:16 ပူးပေါင်းရင်းမြစ်များ

Madius 12:10

is amen eahki natimi is ethi is urauo nikman. Eris ahodai yin ara, um ika, Et itaup nago cehcehe atimi vaig an nadiat atumop, ka o’o? eris ahodai yin ara mika eri asan tas has vai yin.

Madius 12:2

Eris wat ecetai a ilpu Farisi, eris um ika ehelen ara, Alum ilpu atimi atahaijeg euc aiek, era ago nedo ineig ara et itaup nagovaig an nadiat atumop.

Lukas 13:14

Is tas edemda a natimi alupas an neom alaigaheni va nedo o Iesu, nikavaig, is ago cehcehe yin aien an nadiat atumop, um ika ehele atimi, Et eteuc nadiat et siks eris idim ika eri auritai iran natimi: apam aijaua ira adiat iji eigki, va uhpu ago cehcehe caua, jam jim ham an nadiat atumop.

Joanes 10:19

Eris imyiisjis jipe intas iji eigki a nupu Jutaia.

Joanes 14:11

Akumu eteuc an tas ineigki aijaua, nikavaig, ek amen ehele Etmak ainyak, um lep amen ehelek a Etmak: ka akumu eteuc an tas unyak aijaua va niji auritai unyak.

Joanes 15:24

El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak.

Joanes 2:11

Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 5:10

Eris um ika a nupu Jutaia ehele natimi iyehki eris ago cehcehe yin, Nadiat atumop ineigki: et itaup naposvaig nitai ahled unyum.

Joanes 5:36

Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.

Joanes 6:52

Eris imyiisjis jipe ira ra a nupu Jutaia, um ika, Etpu alaaija nohun a natimi ineigki um uauo, mika tupu caig akaija?

Joanes 7:12

Eris imyiisjis jipe yin natimi: eris ika nahaiji ra, Et atimi upene aien: ja eris ika nahaiji ra, O’o; et ago nedo efaifa aien va atimi.

Joanes 7:23

Er aperitome ira atimi an nadiat atumop, va eri jim auahas intas alep o Moses; eka edemda vai nyak aijaua va nedo unyak, ka o’o, nikavaig, kis ago cehcehe asega natimi is ethi ainyak an nadiat atumop?

Joanes 7:43

Eris imyiisjis jipe yin natimi.

Joanes 9:24

Eris lep ahlaig vai natimi iyehki ara, is aupat nesganimtan, um ika ehelen, Namu imyiahpas Atua aiek: ecra ato aijama mika et atimi auatatimi natimi ineigki.