Joanes 7:41 - Intas-Etipup Mat u Iesu Kristo 1863 (Aneityum Gospels)

⁴¹ Eris lep ika nahaiji ra, Et Kristo aien. Ja eris ika nahaiji ra, Et eti ahes Calili a Kristo:

Joanes 7:41 ပူးပေါင်းရင်းမြစ်များ

Joanes 1:41

Is upyi uhup aien um ecet Saimona etoan, um ika ehelen, Ecra mun ecet Mesia aijama, (nesgan tas ineigki, Kristo, Natimi ineig is ati yin a Atua.)

Joanes 1:46

Is ika ehelen a Nadanyel, Et idim ahes an Nasared tah nitai upene, ka o’o? Is um ika ehelen a Filipus, Apam aiek um almoi.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 4:25

Is um ika ehelen a intakata iyehki, Ek ato ainyak, nikavaig, etpu yetpam a Mesia, er anvi nidan par ika Kristo: et wit ham aien, etpu asuptecnaig ehelema aien niji itai asega.

Joanes 4:29

Apan aijaua, um alum natimi et ethi, et mun asuptecnaig ehelek aien niji itai asega kis mun ago ainyak: kit Kristo neigki?

Joanes 4:42

um ika ehele intakata iyehki, Ecra idim imyiisjis ninivaijec aijama, ja eti vai intas unyum: ecra mun idim atahaijeg intas o un aijama, um ato, nikavaig, et idim Kristo aien, Natimi imyiatamaig nup urai iji pece asega.

Joanes 6:69

ecra imyiisjis ninivaijec aijama um ato, nikavaig, nai Kristo aiek, Inhal o Atua umoh.

Joanes 7:27

inta ato akaija inuarin ineig is ahes iran a natimi ineigki: ja et wit ham a Kristo, inyi ti ato tah natimi inuarin ineig etpu ahes iran aien.

Joanes 7:31

Eris lep asgeig iran natimi is ahinag, eris tas ara, um ika, Et wit ham a Kristo, inyi ti ago niji auritai ehka aien inyi esjilid irai itai iji eigki et ago a natimi ineigki.

Joanes 7:52

Eris tas ara, um ika ehelen, Nai lep upu Calili aiek, ka o’o? ahilek, um almoi: et eti ahes Calili tah naprofeta.