Joanes 7:33 - Intas-Etipup Mat u Iesu Kristo 1863 (Aneityum Gospels)

³³ Is um ika ehele ra a Iesu, Etpu idim ipjidipjid namen unyak ehelemia, ekpu apan ehelen ainyak is abrai nyak aien:

Joanes 7:33 ပူးပေါင်းရင်းမြစ်များ

Joanes 13:1

An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 13:3

is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par apan ehele Atua;

Joanes 13:33

Ak ilpu hal unyak, inki ti elvamen ehelemia ainyak: akupu ahilek nyak aijaua; kis idim upyi asaig ehele nupu Jutaia ainyak, um ika, Et ehka vai caua napanvaig an nuarin ineig ekpu apan iran ainyak; et idim ucco intas unyak ehelemia an naopan ineig.

Joanes 14:12

Et idim inivaijec ineig ek asaig ehelemia ainyak mika, Aien et asgeig irak aien, etpu ago nauritai iji eigki aien ek ago ainyak; etpu lep ago niji auritai aien inyi esjilid irai itai iji eigki; va napan unyak ehele Etmak.

Joanes 14:19

Et wit ti pan itac nadiat inyi ti elpat, eri ti lep alum nyak natimi an nobohtan; ja eka alum nyak aijaua: ek umoh ainyak, va nitai ineigki, akupu lep umumoh aijaua.

Joanes 14:28

Akis atahaijeg aijaua intas unyak ehelemia, nikavaig, inki apan ainyak, ja par lep ham ehelemia. El et aiyu inliinmopomia aijaua vai nyak, el eka imyiacitak aijaua vai intas unyak, nikavaig, Ekpu apan ehele Etmak ainyak: et idim esjilid irak a Etmak.

Joanes 16:10

im nedo atoh, va nitai ineig, nikavaig, ekpu apan ehele Etmak ainyak, akupu eti lep ecet nyak aijaua;

Joanes 16:28

Kis ahes ehele Etmak ainyak, um ham an nobohtan: ekpu lep ude nobohtan ainyak, um apan ehele Etmak.

Joanes 16:5

ja inki apan ainyak an naopan ineig ehelen is abrai nyak aien; ja et eti ahodai nyak tah caua, um ika, An han eda aiek?

Joanes 17:11

Inki ti lep amen an nobohtan ainyak, ja era amen an nobohtan ara sji eigki, ekpu apam ehelum ainyak. Ak Etmak upene, aminjina atimi iji eigki aiek an nidam as alupai nyak ra aiek, mika eri tup ethi ache ara, um idivai caijau.

Joanes 17:13

Ekpu apam ehelum ainyak an naopan ineig; ek asuptecnaig nitai iji eigki an nobohtan ainyak, mika yi imyiacitak alupas inliinmopura ara vai nyak.

Joanes 20:17

Is um ika ehelen a Iesu, Jim atcei pam nyak aiek; ek pam eti fi aridjai ainyak ehele Etmak: jam apan aiek ehele ilpu etoak, um asaig ehele ra mika, ek aridjai ehele Etmak ainyak, im lep Etmamia; ehele Atua unyak, im lep Atua unyimia.

Joanes 9:4

eris idim ika ki ago niji auritai o un ainyak an nadiat is abrai nyak aien: et wit yetpam nepeig, inyi ehka va atimi nagovaig nauritai iran: