Joanes 7:16 - Intas-Etipup Mat u Iesu Kristo 1863 (Aneityum Gospels)

¹⁶ Is tas ehele ra a Iesu, um ika, Et eti ahes ehelek nesege unyak, ja et ahes ehelen is abrai nyak aien.

Joanes 7:16 ပူးပေါင်းရင်းမြစ်များ

Joanes 14:10

na imyiisjis ninivaijec aiek, nikavaig, ek amen ainyak ehele Etmak, et lep amen a Etmak ehelek, ka o’o? ek eti tup ispuk tas ainyak irai tas iji eigki ek asaig ehelemia ainyak: ja et ago nauritai iji eigki a Etmak et amen ehelek aien.

Joanes 14:24

Aien et eti aiyu inliinmopon aien vai nyak, et eti apos niji tas unyak aien: is eti ahes ehelek intas ineigki eka atahaijeg aijaua, ja is ahes ehele Etmak is abrai nyak aien.

Joanes 17:14

Kis alupai ra intas unyum ainyak; era amcel vai ra natimi an nobohtan, va nitai ineig, nikavaig, era eti atimi an nobohtan ara, et idivai nyak, ek eti atimi an nobohtan ainyak.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 3:11

Et idim inivaijec ineig ek asaig ehelum ainyak mika, Ecra tas aijama va nitai iji eigki ecra ato aijama, um asuptecnaig nitai iji eigki, ecris almoi aijama; ja eka eti eteuc an tas unyima aijaua.

Joanes 3:31

Aien et ahes an nohatag aien, et esjilid aien irai iji itai asega: aien et ahes an nobohtan aien, et obohtan aien, um tas va nobohtan: aien et ahes an nohatag aien, et esjilid aien irai iji itai asega.

Joanes 5:30

Et ehka vai nyak intup ispuk agovaig tah nitai: ek idim atahaijeg ainyak, et um ucco ek lep asuptecnaig nimtan ainyak: et atoh intas asuptecnaig unyak; ek eti imyiaiji intas unyak ainyak, jai intas o Etmak is abrai nyak aien.

Joanes 6:44

Et ehka vaig tah natimi intup hamvaig ehelek, el et eti ahiaig pam yin a Etmak is abrai nyak aien: ja ekpu imyiatidai yin ainyak an nadiat apitac.

Joanes 8:28

Is um ika ehele ra a Iesu, Aku wit atijai Inhal o natimi aijaua, akupu ato aijaua, nikavaig, et atimi iyehki ainyak, im lep ineig, nikavaig, ek eti ispuk ago tah nitai ainyak; ja ek asaig nitai iji eigki ainyak is esege imtak a Etmak: