Joanes 7:14 - Intas-Etipup Mat u Iesu Kristo 1863 (Aneityum Gospels)

¹⁴ Is apan a Iesu anliin neom ahlap, an nadiat is ethi juju an nasjapicnaig o atimi, um esege.

Joanes 7:14 ပူးပေါင်းရင်းမြစ်များ

Madius 21:12

Is apan a Iesu anliin neom ahlap o Atua, um ahlo pok ijo ra asega, eris ahtai itai ara um auarimtai itai an neom ahlap, um ahidaig afata o ilpu atimi ahtai mune, im lep itai ateuc o ilpu atimi ahtai alaupa,

Madius 26:55

Is ika a Iesu ehele atimi is ahinag an nuarin-nadiat iyehki, Eka mun idim ham aijaua um auanedo an natimi ehneg itai irak, um apos auitoga im nelop mika ki leh nyak: kis ateuc ehelemia ainyak anliin neom ahlap irai iji adiat um esege imi caua, ja akis eti arop irak aijaua.

Lukas 19:47

Is esege imi ra aien irai iji adiat an neom ahlap. Eris ahilek yin a ilpu atimi ahlap esjilid, im ilpu atimi esege, im ilpu atimi alupas an pece, mika eri atgei yin;

Joanes 18:20

Is um ika ehelen a Iesu, Kis tas ainyak an nuhup o atimi asega; kis idim esege ainyak irai eom alaigaheni im lep anliin neom ahlap, era apan iran a nupu Jutaia irai irai iji adiat; kis eti adenan tas unyak ainyak:

Joanes 5:14

Is wat ti pan itac nitai iji eigki, is ecet yin a Iesu anliin neom ahlap, um ika, Na mun idim cehcehe aiek: jam jim lep ago nedo has aiek, va yi jim lep yetpam iram tah nitai has inyi esjilid iran yehki.

Joanes 7:2

Is mun ubutpotet a nasjapicnaig u nupu Jutaia irai im muricai an naopan iyehki.

Joanes 7:28

Is efehtas a Iesu anliin neom ahlap an nesege o un, um ika, Eka ato nyak aijaua, im lep inuarin ineig kis ahes iran ainyak: kis eti tup ispuk ham ainyak, et inivaijec aien is abrai nyak aien, ja eka eti ato yin aijaua:

Joanes 7:37

An nadiat apitac, nadiat esjilid an nasjapicnaig ura, is um atidai a Iesu um efehtas, um ika, El et ahvig wai tah natimi, etmu ham ehelek aien um umwig:

Joanes 8:2

Is wat lahlah an nuhialeg, is lep apan aien anliin neom ahlap, eris ahtag pan ehelen natimi asega; is ateucse aien, um esege imi ra.

Joanes 8:20

Is asan tas iji eigki a Iesu an nesege o un, an nuarin ikni mune iran anliin neom ahlap: ja is eti arop iran tah natimi; is eti fi yetpam naopan o un.