Joanes 7:12 - Intas-Etipup Mat u Iesu Kristo 1863 (Aneityum Gospels)

¹² Eris imyiisjis jipe yin natimi: eris ika nahaiji ra, Et atimi upene aien: ja eris ika nahaiji ra, O’o; et ago nedo efaifa aien va atimi.

Joanes 7:12 ပူးပေါင်းရင်းမြစ်များ

Madius 10:25

Et upene vai natimi atahaijeg nidivai natimi esege imi yin vaig, um lep upene vai naheca nidivai natimi alupas o un vaig. Ele anvi nidai natimi alupas an neom par ika Belsebub, etpu esjilid intas has vai ilpu atimi o un.

Madius 21:46

Eris merit ara narop iran vaig, jam imtita atimi is ahinag, eris ika ara, Et aprofeta aien.

Madius 27:63

um ika, Ak natimarid, ecra imyiehva aijama intas is asaig a natimi efaifa ineigki, an naopan numoh o un, um ika, Et wit ti pan itac nadiat inyi eseij, ekpu lep nusjai ainyak:

Lukas 18:19

Is um ika ehelen a Iesu, Na auri aiek par aniv upene nyak? et eti upene tah, Atua ache:

Lukas 23:47

Is wat almoi nitai iji eigki a natimi alupas u ilpu eucsupo, is imyiahpas Atua aien, um ika, Et idim atimi upene natimi ineigki.

Lukas 23:50

IS eteuc natimi is ethi nidan Josef; is atimi tas alep aien, um atimi upene, um atoh nedo o un.

Lukas 6:45

Et leh nitai upene a natimi upene ira aga upene anliinmopon; ja et leh nitai has a natimi auatatimi ira aga has anliinmopon: et asuptecnaig an nipjineucsen natimi nitai iji eigki et amen alupas anliinmopon.

Lukas 7:16

Eris imtitaig ara asega: eris imyiahpas Atua ara, um ika, Et mun atidai eheleija naprofeta esjilid et ethi; um lep ika, Et mun ateghe ilpu atimi o un a Atua.

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 7:32

Eris atahaijeg a ilpu Farisi, nikavaig, eris imyiisjis nitai iji eigki vai yin natimi; eris abrai ilpu aheca ura a ilpu Farisi im ilpu atimi ahlap esjilid mika eri arop iran ara.

Joanes 7:47

Eris um ika ehele ra a ilpu Farisi, Eka mun idim lep ahnag aijaua:

Joanes 7:52

Eris tas ara, um ika ehelen, Nai lep upu Calili aiek, ka o’o? ahilek, um almoi: et eti ahes Calili tah naprofeta.

Joanes 9:16

Eris ika nahaiji ilpu Farisi, Is eti ahes ehele Atua natimi ineigki, et eti apos nadiat atumop aien. Eris lep ika nahaiji ra, Et ehka vai natimi ineig et auatatimi aien nagovaig nauritai ehka iji eigki. Eris imyiisjis jipe ara.