Joanes 6:51 - Intas-Etipup Mat u Iesu Kristo 1863 (Aneityum Gospels)

⁵¹ Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

Joanes 6:51 ပူးပေါင်းရင်းမြစ်များ

Madius 20:28

et idivaig Inhal o natimi; is eti ham aien mika eri aheca o un natimi, ja par aheca ura aien, um ahtai nitai umoh iran o un nimtan va atimi et ahinag.

Lukas 22:19

Is leh nareto aien, um naaurineig iran, um aswaplec, um alaa ra, um ika, Nohuk ineigki eris ahtai vai caua: ago nedo ineigki aijaua par imyiehva nyak.

Joanes 1:14

Is leh nohun a Intas, um amen eheleija, (ektijis almoi natimi alupas o un aijumtaij, natimi alupas o Inhal o Etman et ethi ache,) is esjilid acen naiheuc o un, is lep idim inivaijec aien.

Joanes 1:29

Is wat lahlah an tak apnyin, is ecet Iesu a Joanes napanvaig ehelen, um ika, Almoi Lam o Atua aijaua, aien aigki et iknipagki nedo has aien an nobohtan:

Joanes 11:26

aien et umoh aien um asgeig irak, inyi idim eti mas aien irai iji mesese. Na imyiisjis ninivaijec nitai ineigki aiek, ka o’o?

Joanes 3:13

Is eti aridjai an nohatag tah natimi, aien ache is ahes an nohatag aien um asuol, Inhal o natimi, et amen aien an nohatag.

Joanes 3:14

Is atijai nimyiv an namasacen a Moses, etpu idim ucco eris idim ika uhpu atijai Inhal o natimi:

Joanes 3:16

Is um ucce naiheuc vai iji pece asega o Atua is abrai Inhal o un is eti ache aien, va eri eti emesmas a ilpu atimi asgeig iran asega, jam leh nitai umoh iran ineig inyi ti lep ti.

Joanes 3:36

Aien et asgeig irai Inhal o Atua aien, et o un nitai umoh iran ineig inyi ti lep ti: aien et eti asgeig irai Inhal o Atua aien, inyi ti ecetai nitai umoh iran aien; ja et amen iran intavaitap o Atua.

Joanes 5:24

Et idim inivaijec ineig ek asaig ehelemia ainyak mika, Aien et atahaijeg intas unyak aien, um asgeig iran is abrai nyak aien, et leh nitai umoh iran ineig aien inyi ti lep ti, inyi ti lep leh neru va nedo has o un aien; is aha vai inmas aien um leh nitai umoh iran.

Joanes 6:33

Nitai caig ineig et ahes ehele Atua, aien aigki is ahes an nohatag aien um asuol, um alupa atimi an nobohtan nitai umoh iran.

Joanes 6:35

Is um ika ehele ra a Iesu, Ek itai caig umoh ainyak: aien et ham ehelek aien, inyi ti lep ehtele yin aien; aien et asgeig irak aien, inyi ti lep ahvig tah nitai aien:

Joanes 6:41

Eris tas upoupo vai yin a nupu Jutaia va nitai ineigki, is ika aien, Ek itai caig ineig ainyak is ahes an nohatag um asuol.

Joanes 6:47

Et idim inivaijec ineig ek asaig ehelemia ainyak mika, Aien et asgeig irak aien, etpu leh nitai umoh iran ineig aien inyi ti lep ti.

Joanes 6:48

Ek itai caig umoh ineigki ainyak.

Joanes 6:50

Nitai caig is ahes an nohatag um asuol ineigki, eri eti emesmas a ilpu atimi caig.

Joanes 7:38

aien et asgeig irak aien, etpu ahlau ohua alupas inwai umoh anliinmopon, et idivaig eris aged.