Joanes 6:5 - Intas-Etipup Mat u Iesu Kristo 1863 (Aneityum Gospels)

⁵ Is eas pan a Iesu, um alum atimi is ahinag nahtag pan vaig ehelen, is ika ehele Filipus aien, Inti auarimta areto eda akaija par alayi ra sji eigki?

Joanes 6:5 ပူးပေါင်းရင်းမြစ်များ

Madius 15:33

Eris ika ehelen a ilpu atimi atahaijeg yin, Inti leh nitai caig eda akaija an namasacen ineigki yi ahinag par alaa atimi iji eigki, era ahinag acen ara?

Lukas 9:10

Eris wat adumoij pan ehelen a ilpu apostolo, eris asuptecnaig ehelen ara niji itai asega iji eigki eris ago ara. Is imyiacaij ra aien, eris apan ara an namasacen is ethi an nuarin-pece is ethi, nidan Bedseta, jam ateri.

Joanes 1:43

Is wat lahlah an tak apnyin, is ika a Iesu yi apan Calili, is ecet Filipus aien, um ika ehelen, Apitac nyak aiek.

Joanes 1:44

Is upu Bedseta a Filipus, nuarin-pece o Antrius im Pitrus.

Joanes 1:45

Is ecet Nadanyel a Filipus, um ika ehelen, Ecra mun ecet Iesu nup an Nasared aijama inhal o Josef, aien aigki is aged intas vai yin a Moses an tas alep, im lep ilpu profeta.

Joanes 1:46

Is ika ehelen a Nadanyel, Et idim ahes an Nasared tah nitai upene, ka o’o? Is um ika ehelen a Filipus, Apam aiek um almoi.

Joanes 1:48

Is um ika ehelen a Nadanyel, Na ato nyak aiek vai di? Is tas a Iesu, um ika ehelen, Kis idim ecet euc ainyak an naopan iyehki as amen aiek ithan nateg, ja is par ahlaig vai euc a Filipus.

Joanes 4:35

Eka idim ika aijaua, Et wit ti pan itac inmohoc inyi for, etpu yetpam naopan asjapicnaig nohoai itai; ja ek asaig ehelemia ainyak mika, Akumu eas pan irai esgaiimtamia aijaua, um alum eseian; et metto nohoai itai iran an naopan ineig.