Joanes 6:38 - Intas-Etipup Mat u Iesu Kristo 1863 (Aneityum Gospels)

³⁸ kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien:

Joanes 6:38 ပူးပေါင်းရင်းမြစ်များ

Madius 20:28

et idivaig Inhal o natimi; is eti ham aien mika eri aheca o un natimi, ja par aheca ura aien, um ahtai nitai umoh iran o un nimtan va atimi et ahinag.

Joanes 3:13

Is eti aridjai an nohatag tah natimi, aien ache is ahes an nohatag aien um asuol, Inhal o natimi, et amen aien an nohatag.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 3:31

Aien et ahes an nohatag aien, et esjilid aien irai iji itai asega: aien et ahes an nobohtan aien, et obohtan aien, um tas va nobohtan: aien et ahes an nohatag aien, et esjilid aien irai iji itai asega.

Joanes 4:34

Is um ika ehele ra a Iesu, Et itai caig unyak ineigki, nimyiaijivaig intas o un is abrai nyak aien, um lep ago ehni nauritai o un.

Joanes 5:19

Is tas a Iesu, um ika ehele ra, Et idim inivaijec ineig ek asaig ehelemia ainyak mika, Et ehka vai Inhal o Atua intup ispun ago tah nitai vaig, nitai iji eigki ache, et alum Etman aien nagovaig: nitai iji eigki asega et ago aien, et lep ago a Inhal o un.

Joanes 5:30

Et ehka vai nyak intup ispuk agovaig tah nitai: ek idim atahaijeg ainyak, et um ucco ek lep asuptecnaig nimtan ainyak: et atoh intas asuptecnaig unyak; ek eti imyiaiji intas unyak ainyak, jai intas o Etmak is abrai nyak aien.

Joanes 6:29

Is tas a Iesu, um ika ehele ra, Nauritai o Atua ineigki, mika aki asgeig iran aijaua is abrai yin aien.

Joanes 6:33

Nitai caig ineig et ahes ehele Atua, aien aigki is ahes an nohatag aien um asuol, um alupa atimi an nobohtan nitai umoh iran.

Joanes 6:42

Eris um ika ara, Iesu ineigki, inhal o Josef, ka o’o? ecra ato etman im risin aijama: et echamecha par ika aien, Kis ahes an nohatag ainyak um asuol?

Joanes 6:57

Et idivaig is abrai nyak a Etmak umoh, ek lep umoh ainyak vai Etmak: et um ucco aien et caig nohuk aien, etpu umoh aien vai nyak.