Joanes 6:27 - Intas-Etipup Mat u Iesu Kristo 1863 (Aneityum Gospels)

²⁷ akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 6:27 ပူးပေါင်းရင်းမြစ်များ

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 25:46

Erupu apan ara sji eigki an nuarin ohocred, um amen irai iji mesese: ja erupu apan a ilpu atimi upene an nuarin umumoh, um amen iran irai iji mesese.

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Madius 6:19

Jim ikni inpadiaig imi caua aijaua an nobohtan, etpu ages, um epera, um has; erupu lep ahtaijhan neom a ilpu atimi ehneg itai um ahneg:

Madius 8:20

Is ika ehelen a Iesu, Et eteuc inhelhel o kuri aleg, im lep nasiom oi man; ja et ti nuarin asjeuc imi Inhal o natimi.

Lukas 3:22

is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

Lukas 9:35

Is ahes an nepeig nohran tah, um ika, Inhalav cop unyak ineigki: ahtijmu atahaijeg yin aijautaij.

Joanes 10:28

ek alupai ra nitai umoh iran ineig ainyak inyi ti lep ti; uhpu eti auahas ra, inyi ti atoraliak ra tah natimi an nikmak.

Joanes 11:42

kis ato ainyak, nikavaig, na atahaijeg nyak aiek irai iji adiat: ja ek mun asaig ainyak va atimi iji eigki era aiji arahed irak, mika eri imyiisjis ninivaijec ara, nikavaig, as abrai nyak aiek.

Joanes 14:6

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache:

Joanes 15:24

El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 3:15

va eri eti emesmas a ilpu atimi asgeig iran asega, jam leh nitai umoh iran ineig inyi ti lep ti.

Joanes 3:33

Aien is leh intas asuptecnaig o un aien, is ati nitai asjaaicnaig o un aien mika et inivaijec a Atua.

Joanes 6:40

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.

Joanes 6:47

Et idim inivaijec ineig ek asaig ehelemia ainyak mika, Aien et asgeig irak aien, etpu leh nitai umoh iran ineig aien inyi ti lep ti.

Joanes 6:51

Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

Joanes 6:53

Is um ika ehele ra a Iesu, Et idim inivaijec ineig ek asaig ehelemia ainyak mika, El eka eti caig nohui Inhal o natimi aijaua, um umnyi inja iran, aki eti umumoh aijaua.

Joanes 6:54

Aien et caig nohuk aien, um umnyi inja irak, et o un nitai umoh iran ineig inyi ti lep ti; ekpu imyiatidai yin ainyak an nadiat apitac.

Joanes 6:58

Nitai caig is ahes an nohatag um asuol ineigki: jam eti idivaig manna iyehki eris caig a ilpu retpomia, ja eris emesmas ara: aien et caig nitai caig ineigki aien, etpu umoh aien irai iji mesese.

Joanes 6:62

Akupu ehvecet Inhal o natimi aijaua naridjaivaig an nuarin iyehki is upyi hup aien um amen iran?

Joanes 6:68

Is um ika ehelen a Saimona Pitrus, Ak Natimarid, ecrupu apan ehele di aijama? et amen ehelum intas va nitai umoh iran ineig inyi ti lep ti:

Joanes 8:18

ek asuptecnaig nyak ainyak, et lep asuptecnaig nyak a Etmak is abrai nyak aien.