Joanes 6:26 - Intas-Etipup Mat u Iesu Kristo 1863 (Aneityum Gospels)

²⁶ Is tas a Iesu, um ika ehele ra, Et idim inivaijec ineig ek asaig ehelemia ainyak mika, Eka eti ahilek nyak aijaua va niji auritai ehka iji eigki akis ecetai aijaua, jai va areto iji eigki akis hegaig aijaua, um gaije iran:

Joanes 6:26 ပူးပေါင်းရင်းမြစ်များ

Joanes 3:3

Is tas ehelen a Iesu, um ika, Et idim inivaijec ineig ek asaig ehelum ainyak mika, El eh eti lep apos tah natimi, inyi ehka vai yin necetaivaig nelcau o Atua.

Joanes 3:5

Is um ika a Iesu, Et idim inivaijec ineig ek asaig ehelum ainyak mika, El eh eti lep apos tah natimi an wai im lep an Nesgan Upene, inyi ehka vai yin napanvaig an nelcau o Atua:

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 6:15

Is wat ato a Iesu, nikavaig, eris ika ara eri apan um asjirai yin um ati yin natimarid ura, is atga o un aien, um echim apan an nedoon.

Joanes 6:2

Eris wat almoi niji auritai ehka o un iji eigki is ago aien irai ilpu atimi emehe natimi is ahinag acen, eris apitac yin ara.

Joanes 6:24

eris wat eti ecet Iesu eahki ara, im lep ilpu atimi atahaijeg yin, eris lep ahlaujai irai elcau ara, um apahai Kaperneum, um ahilek Iesu.

Joanes 6:30

Eris lep ika ehelen ara, Nev auritai ehka ineig na ago aiek, mika ecri almoi aijama, um imyiisjis ninivaijec euc? na ago inhe aiek?

Joanes 6:36

ja ek mun asaig ehelemia ainyak mika, Akis ecet nyak aijaua, jam eti asgeig irak:

Joanes 6:47

Et idim inivaijec ineig ek asaig ehelemia ainyak mika, Aien et asgeig irak aien, etpu leh nitai umoh iran ineig aien inyi ti lep ti.

Joanes 6:53

Is um ika ehele ra a Iesu, Et idim inivaijec ineig ek asaig ehelemia ainyak mika, El eka eti caig nohui Inhal o natimi aijaua, um umnyi inja iran, aki eti umumoh aijaua.

Joanes 6:64

Ja et eteuc nahaijimia era eti imyiisjis ninivaijec ara. -- Is wat pam eti eteuc nobohtan ineigki, is ato ra a Iesu erupu imyiisjis nahcil ara, im lep yin etpu aniv yin aien.