Joanes 5:40 - Intas-Etipup Mat u Iesu Kristo 1863 (Aneityum Gospels)

⁴⁰ Ja eka esjum aijaua nahtag pam vaig ehelek, par leh nitai umoh iran.

Joanes 5:40 ပူးပေါင်းရင်းမြစ်များ

Madius 22:3

um abrai ilpu aheca o un mika eri ahlaig ara vai ra eris imyiacaij ra, mika eri apan u inhag an natmehgan ara: ja eris esjum ara napanvaig.

Madius 23:37

Ak Jerusalem, ak Jerusalem, na atgei ilpu profeta aiek, um asji ra irai hat eris abraig pan ra ehelum, kis ehcahinag merit ainyak mika ki asjapicnaig ilpu hal unyum et idivaig injaa et aibuthan hal o un aien, ja akis esjum aijaua.

Joanes 1:11

Is apan aien an pece o un, ja eris eti leh yin a nup uran pece o un.

Joanes 10:10

Et idim apan natimi ehneg itai mika yi ehneg itai, um atgei atmas, um auahas itai: kis ham ainyak mika eri umumoh ara, yi lep esjilid acen numumoh ura.

Joanes 3:19

Eris ika erupu emesmas atimi va nedo ura, nikavaig, is ham inlah an nobohtan, ja is aiyu inliinmopoi atimi va naupat, jam has inliinmopura ara vai inlah, va nedo has ura.

Joanes 5:39

Eka ahilek an tas eris aged aijaua; eka aktaktai aijaua mika aki leh iran nitai umoh iran ineig inyi ti lep ti: et idim asuptecnaig nyak intas ineigki.

Joanes 5:41

Ek eti leh nimyiahpas nyak o atimi ainyak.

Joanes 5:44

Et ehka vai caua nimyiisjis ninivaijec vaig, eka imyiahpas jipe caua aijaua, jam eti ahilek nimyiahpas ineig et ahes ehele Atua ineig et ethi ache aien.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 6:37

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak:

Joanes 6:40

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.