Joanes 5:37 - Intas-Etipup Mat u Iesu Kristo 1863 (Aneityum Gospels)

³⁷ Is abrai nyak a Etmak, um lep asuptecnaig nyak. Akis eti atahaijeg nohran aijaua an tah naopan, um eti almoi nehcohos o un.

Joanes 5:37 ပူးပေါင်းရင်းမြစ်များ

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Lukas 24:27

Is atupun aien um asuptecnaig ehele rau intas asega vai yin is aged a Moses im ilpu profeta asega.

Lukas 3:22

is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 14:9

Is um ika ehelen a Iesu, Ak Filipus, kis amen ehelemia ainyak itu acen, ja na idim eti ato nyak aiek, ka o’o? aien et mun alum nyak aien, et alum Etmak aien; na auri aiek par ika, Ehvai Etmam aiek ehelema?

Joanes 15:24

El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak.

Joanes 5:32

Et asuptecnaig nyak intak atimi; ek ato ainyak mika et inivaijec intas o un vai nyak.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 8:18

ek asuptecnaig nyak ainyak, et lep asuptecnaig nyak a Etmak is abrai nyak aien.