Joanes 5:36 - Intas-Etipup Mat u Iesu Kristo 1863 (Aneityum Gospels)

³⁶ Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.

Joanes 5:36 ပူးပေါင်းရင်းမြစ်များ

Madius 11:4

Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau atahaijeg aijaurau um almoi:

Lukas 2:49

Is ika ehele rau aien, Erau ahilek nyak aijaurau vanhe? erau idim ato aijaurau, nikavaig, eris idim ika ki ago niji auritai o Etmak ainyak.

Joanes 10:25

Is um ika ehele ra a Iesu, Ek mun asuptecnaig ehelemia ainyak, ja eka imyiisjis nahcil aijaua: et asuptecnai nyak niji auritai iji eigki ek ago ainyak an nidai Etmak.

Joanes 11:37

Eris um ika nahaiji ra, Natimi ineigki is asalgei nesganimtai ilpu atimi aupat nesganimtara, is auri aien par eti emda um ahtapanes inmas vai natimi ineigki?

Joanes 15:24

El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak.

Joanes 17:4

Kis ehvaig natimi alupas unyum ainyak an nobohtan: ek mun ago ehni nauritai ineig ainyak as alupai nyak aiek mika ki ago ainyak.

Joanes 2:23

Is wat amen Jerusalem aien u napaska, an nadiat asjapicnaig, eris wat almoi niji auritai ehka o un natimi is ahinag, eris imyiisjis ninivaijec yin ara.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 4:34

Is um ika ehele ra a Iesu, Et itai caig unyak ineigki, nimyiaijivaig intas o un is abrai nyak aien, um lep ago ehni nauritai o un.

Joanes 5:32

Et asuptecnaig nyak intak atimi; ek ato ainyak mika et inivaijec intas o un vai nyak.