Joanes 5:20 - Intas-Etipup Mat u Iesu Kristo 1863 (Aneityum Gospels)

²⁰ Et aiyu inliinmopoi Etmak vai Inhal o un, et ehvaig ehelen aien niji itai asega et ago aien: etpu lep ehvaig ehelen aien niji auritai inyi esjilid iran ji eigki, mika aki imyiali aijaua.

Joanes 5:20 ပူးပေါင်းရင်းမြစ်များ

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Madius 4:8

Is lep imyiaridjai yin a Tiapolo an nedoon ijinies acen is ethi, um ehvaig ehelen niji elcau asega an nobohtan im niji itai upene iran;

Lukas 10:22

Is ikni niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 10:32

Is um ika ehele ra a Iesu, Kis ehvaig ehelemia ainyak niji auritai upene is ahinag is ahes ehele Etmak; nehva auritai ineigki eka ika aijaua aki asji nyak vaig?

Joanes 14:12

Et idim inivaijec ineig ek asaig ehelemia ainyak mika, Aien et asgeig irak aien, etpu ago nauritai iji eigki aien ek ago ainyak; etpu lep ago niji auritai aien inyi esjilid irai itai iji eigki; va napan unyak ehele Etmak.

Joanes 15:15

Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak.

Joanes 17:26

Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 3:35

Et aiyu inliinmopoi Etmak vai Inhal o un, is ati niji itai asega ehelen aien.

Joanes 5:21

Et idim imyiatidai ilpu atimi emesmas a Etmak, um imyiatamumoh ra; et um ucco et imyiatamumoh ra sji eigki a Inhal o un et merit vai ra aien.

Joanes 5:25

Et idim inivaijec ineig ek asaig ehelemia ainyak mika, Etpu yetpam naopan iyehki, et mun idim ham, eru wit atahaijeg nohrai Inhal o Atua a ilpu atimi emesmas: erupu umumoh ara era atahaijeg ara.

Joanes 5:29

um atidai; erupu anusjai a ilpu atimi upene, um leh nitai umoh iran; ja erupu anusjai a ilpu atimi auatatimi, um leh nimtan nedo has ura.