Joanes 4:21 - Intas-Etipup Mat u Iesu Kristo 1863 (Aneityum Gospels)

²¹ Is um ika ehelen a Iesu, Ak intakata ineigki, namu eteuc an tas unyak aiek, nikavaig, etpu yetpam naopan iyehki, aku wit eti alaigaheni vai Etmak aijaua an nedoon ineigki, um ucce Jerusalem.

Joanes 4:21 ပူးပေါင်းရင်းမြစ်များ

Madius 18:20

El et asjapicnaig natimi et ero ka et eseij an tah anuarin va nidak, ekpu idim amen ehele ehtaij ainyak.

Madius 28:19

Va nitai ineigki akumu apan aijaua, um ika eri alaigaheni nup urai iji pece asega, um baptiso ira ra an nidai Etmak, im Inhal o un, im Nesgumrau Upene:

Lukas 21:24

Uhpu atgei ra irai auitoga, uhpu lep imyiapan ra irai iji pece asega mika eri aheca o atimi: erupu wehiepelaig Jerusalem a nup urai iji pece, um yetpan naopan iyehki etpu ahni naopan o nup urai iji pece.

Joanes 14:6

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache:

Joanes 16:2

Erupu ahlo caua ara irai eom alaigaheni ura: etpu lep yetpam naopan iyehki eru wit atgei caua atimi, um aktaktai mika er ago nauritai o Atua.

Joanes 16:32

Etpu idim yetpam naopan iyehki, maiya, et mun yetpam an naopan ineig, akupu terimterim aijaua asega, um apan irai imnim unyimia, um ude nyak: ja ek eti echim amen ainyak, et idim amen ehelek a Etmak.

Joanes 4:23

Ja etpu yetpam naopan iyehki, et mun idim ham, eru wit alaigaheni anliinmopura um inivaijec vai Etmak a ilpu atimi alaigaheni inivaijec; et merit a Etmak mika yi ucce nedo o ilpu atimi alaigaheni vai yin.

Joanes 5:25

Et idim inivaijec ineig ek asaig ehelemia ainyak mika, Etpu yetpam naopan iyehki, et mun idim ham, eru wit atahaijeg nohrai Inhal o Atua a ilpu atimi emesmas: erupu umumoh ara era atahaijeg ara.

Joanes 5:28

Jim imyiali nitai ineigki aijaua: va nitai ineigki, nikavaig, etpu yetpam naopan iyehki, eru wit atahaijeg nohran ara asega era amen irai ehpaiitai ara,