Joanes 4:14 - Intas-Etipup Mat u Iesu Kristo 1863 (Aneityum Gospels)

¹⁴ ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Joanes 4:14 ပူးပေါင်းရင်းမြစ်များ

Madius 25:46

Erupu apan ara sji eigki an nuarin ohocred, um amen irai iji mesese: ja erupu apan a ilpu atimi upene an nuarin umumoh, um amen iran irai iji mesese.

Madius 5:6

Era mun ahesmoij ara et ehtele ra ara um ahvig emda nedo upene: erupu gaije ara.

Joanes 10:10

Et idim apan natimi ehneg itai mika yi ehneg itai, um atgei atmas, um auahas itai: kis ham ainyak mika eri umumoh ara, yi lep esjilid acen numumoh ura.

Joanes 11:26

aien et umoh aien um asgeig irak, inyi idim eti mas aien irai iji mesese. Na imyiisjis ninivaijec nitai ineigki aiek, ka o’o?

Joanes 4:10

Is tas a Iesu, um ika ehelen, El et ato nitai tup ahtai o Atua aiek, im lep yin et ika ehelum aien, Alumak tah inwai aiek; el et ugni yin aiek, el et par alumam inwai umoh aien.

Joanes 4:11

Is um ika ehelen a intakata iyehki, Ak natimi alupas, eh ti nitai athun wai unyum, et lep ubou nehpan wai: napu leh inwai umoh ineigki aiek eda?

Joanes 4:13

Is tas ehelen a Iesu, um ika, Aien inyi umnyi inwai ineigki aien, etpu lep ahvig wai aien:

Joanes 4:36

Aien et asjapicnaig nohoai itai aien, et leh nimtan aien, um asjapicnaig nohoai itai va nitai umoh iran ineig inyi ti lep ti: mika eri ehrimyiacitak a ilpu atimi ahapol im ilpu atimi asjapicnaig nohoai itai.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 6:35

Is um ika ehele ra a Iesu, Ek itai caig umoh ainyak: aien et ham ehelek aien, inyi ti lep ehtele yin aien; aien et asgeig irak aien, inyi ti lep ahvig tah nitai aien:

Joanes 6:58

Nitai caig is ahes an nohatag um asuol ineigki: jam eti idivaig manna iyehki eris caig a ilpu retpomia, ja eris emesmas ara: aien et caig nitai caig ineigki aien, etpu umoh aien irai iji mesese.

Joanes 7:37

An nadiat apitac, nadiat esjilid an nasjapicnaig ura, is um atidai a Iesu um efehtas, um ika, El et ahvig wai tah natimi, etmu ham ehelek aien um umwig: