Joanes 3:5 - Intas-Etipup Mat u Iesu Kristo 1863 (Aneityum Gospels)

⁵ Is um ika a Iesu, Et idim inivaijec ineig ek asaig ehelum ainyak mika, El eh eti lep apos tah natimi an wai im lep an Nesgan Upene, inyi ehka vai yin napanvaig an nelcau o Atua:

Joanes 3:5 ပူးပေါင်းရင်းမြစ်များ

Madius 18:3

um ika, Et inivaijec ineig ek asaig ehelemia ainyak mika, El eka eti ahidai caua aijaua, um idivaig ilpu halav, aki ti apan aijaua an nelcau an nohatag:

Madius 19:24

Ek lep asaig ehelemia ainyak mika, Et tup upene vai kamela namiliekvaig an hed an nitel, jam ehka vai natimi ikni itai napanvaig an nelcau o Atua.

Madius 21:31

Is imyiaiji intas o etman a di ira rau? Eris ika ehelen ara, Inmetto. Is ika ehele ra a Iesu, Et inivaijec ineig ek asaig ehelemia ainyak mika, Era uhup a ilpu atimi akwanaham im ilpu takata ago ingaijid um apan an nelcau o Atua, eka apitac aijaua.

Madius 28:19

Va nitai ineigki akumu apan aijaua, um ika eri alaigaheni nup urai iji pece asega, um baptiso ira ra an nidai Etmak, im Inhal o un, im Nesgumrau Upene:

Madius 3:11

ek idim baptiso iramia ainyak an wai mika aki adumoij anliinmopomia aijaua: ja aien inyi ham aien um apitac nyak inyi idim esjilid irak aien, ek eti upene ainyak par apos incedpun eduon: etpu baptiso iramia aien an Nesgan Upene im lep incop:

Madius 5:20

Ek asaig ehelemia ainyak mika, El et eti esjilid nedo atoh unyimia irai edo atoh o ilpu atimi esege im ilpu Farisi, aki idim eti apan aijaua an nelcau an nohatag.

Lukas 13:24

Akumu eriss emda aijaua an neucse nirahed ehroehro: ek asaig ehelemia ainyak mika, erupu merit atimi inyi ahinag mika eri atga iran, ja inyi ehka vai ra;

Lukas 13:3

ek idim ika ehelemia ainyak, O’o: ja el eka eti adumoij anliinmopomia aijaua, uhpu idim lep auahas caua asega.

Lukas 13:5

ek idim ika ehelemia ainyak, O’o: ja el eka eti adumoij anliinmopomia aijaua, uhpu idim lep auahas caua asega.

Joanes 1:13

ara, is apos ra a Atua, jam eti apos ra vai ilpu retpora, ka inmerit o inliinmopura, ka inmerit o atimi.

Joanes 3:3

Is tas ehelen a Iesu, um ika, Et idim inivaijec ineig ek asaig ehelum ainyak mika, El eh eti lep apos tah natimi, inyi ehka vai yin necetaivaig nelcau o Atua.

Joanes 3:4

Is um ika ehelen a Nikotimus, Uhpu lep ehvapos natimi ineig et mun efatimi aien? et ehka vai yin napanvaig an nipjinetgai risin, mika uhpu lep apos yin.