Joanes 3:17 - Intas-Etipup Mat u Iesu Kristo 1863 (Aneityum Gospels)

¹⁷ Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 3:17 ပူးပေါင်းရင်းမြစ်များ

Madius 1:23

“Etpu opouc intakata eti ato natamaig inyi ethi, um apos inhalav atamaig, erupu anvi nidan ara par ika Emanuel,” nesgan tas ineigki, Atua eheleija.

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nohatag a ilpu agelo ura irai iji adiat an nohatag.

Madius 18:11

Is ham a Inhal o natimi mika yi imyiatamaig ra er auahas ra.

Lukas 19:10

et ham a Inhal o natimi mika yi ahilek ilpu atimi ahnag, um imyiatamaig ra.

Lukas 9:56

et eti ham a Inhal o natimi mika yi auahas atimi, ja et ham aien mika yi imyiatamaig ra. Eris apan ara an nuarin-pece is eche.

Joanes 1:29

Is wat lahlah an tak apnyin, is ecet Iesu a Joanes napanvaig ehelen, um ika, Almoi Lam o Atua aijaua, aien aigki et iknipagki nedo has aien an nobohtan:

Joanes 10:36

el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Joanes 11:42

kis ato ainyak, nikavaig, na atahaijeg nyak aiek irai iji adiat: ja ek mun asaig ainyak va atimi iji eigki era aiji arahed irak, mika eri imyiisjis ninivaijec ara, nikavaig, as abrai nyak aiek.

Joanes 17:18

As idim abrai nyak aiek mika ki ham an nobohtan ainyak, et um ucco kis abrai ra ainyak, mika eri terimterim ara an nobohtan.

Joanes 17:21

mika eri tup ethi ache ara, um idivai caijau, na amen ehelek aiek, ak Etmak, ek lep amen ehelum ainyak, mika eri lep amen eheleijau ara um tup ethi ache: va erupu imyiisjis ninivaijec natimi an nobohtan mika as abrai nyak aiek.

Joanes 17:23

ekmu amen ehele ra ainyak, um lep amen ehelek aiek, mika eri tup ethi ache ara um esjilid; va erupu ato natimi an nobohtan mika as abrai nyak aiek, um lep aiyu inliinmopom aiek vai ra, et idivaig naiyu u inliinmopom vai nyak.

Joanes 17:25

Ak Etmak upene, era eti ato euc natimi an nobohtan: ja ek ato euc ainyak, era lep ato ara sji eigki mika as abrai nyak aiek.

Joanes 17:3

Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 20:21

Is lep ika ehele ra a Iesu, Etmu eteuc neigpa ehelemia: is idim abraig pam nyak a Etmak, et um ucco ek abraig pan caua ainyak.

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Joanes 5:36

Ja et eteuc nasuptecnaig nyak et esjilid irai Joanes: nauritai iji eigki is asaig ehelek a Etmak mika ki ago ehni ainyak, ek ago nauritai iji eigki ainyak par asuptecnaig nyak, mika is abrai nyak a Etmak.

Joanes 5:38

Et eti amen anliinmopomia intas o un: eka eti eteuc an tas o un aijaua is abrai yin aien.

Joanes 5:45

Jim ika aijaua ekpu ahiyi caua ehele Etmak ainyak: et idim ahiyi caua a Moses, aien aigki eka asgeig iran aijaua.

Joanes 6:29

Is tas a Iesu, um ika ehele ra, Nauritai o Atua ineigki, mika aki asgeig iran aijaua is abrai yin aien.

Joanes 6:38

kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien:

Joanes 6:40

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.

Joanes 6:57

Et idivaig is abrai nyak a Etmak umoh, ek lep umoh ainyak vai Etmak: et um ucco aien et caig nohuk aien, etpu umoh aien vai nyak.

Joanes 7:29

ek idim ato yin ainyak; kis ahes ehelen ainyak, is abrai nyak aien.

Joanes 8:11

Is um ika aien, O’o, ak Natimarid. Is um ika ehelen a Iesu, Inki ti asuptecnaig nimtan nedo has unyum ainyak: atga unyum aiek, um jim lep ago nedo has.

Joanes 8:42

Is um ika ehele ra a Iesu, El et Etmamia a Atua, el et aiyu inliinmopomia aijaua vai nyak: kis ahes ehele Atua ainyak par ham; kis eti tup ispuk ham ainyak, ja is abrai nyak aien.