Joanes 3:13 - Intas-Etipup Mat u Iesu Kristo 1863 (Aneityum Gospels)

¹³ Is eti aridjai an nohatag tah natimi, aien ache is ahes an nohatag aien um asuol, Inhal o natimi, et amen aien an nohatag.

Joanes 3:13 ပူးပေါင်းရင်းမြစ်များ

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Madius 8:20

Is ika ehelen a Iesu, Et eteuc inhelhel o kuri aleg, im lep nasiom oi man; ja et ti nuarin asjeuc imi Inhal o natimi.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 13:3

is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par apan ehele Atua;

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 3:12

El eka eti imyiisjis ninivaijec aijaua ek wat tas ehelemia ainyak va niji itai an nobohtan, akupu imyiisjis ninivaijec aijaua um uauo, el ek tas ehelemia ainyak va niji itai an nohatag?

Joanes 3:31

Aien et ahes an nohatag aien, et esjilid aien irai iji itai asega: aien et ahes an nobohtan aien, et obohtan aien, um tas va nobohtan: aien et ahes an nohatag aien, et esjilid aien irai iji itai asega.

Joanes 6:33

Nitai caig ineig et ahes ehele Atua, aien aigki is ahes an nohatag aien um asuol, um alupa atimi an nobohtan nitai umoh iran.

Joanes 6:38

kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien:

Joanes 6:42

Eris um ika ara, Iesu ineigki, inhal o Josef, ka o’o? ecra ato etman im risin aijama: et echamecha par ika aien, Kis ahes an nohatag ainyak um asuol?

Joanes 6:46

Ja is idim eti ecet Etmak tah natimi, aien ache is ahes ehele Atua aien, is ecet Etmak aien.

Joanes 6:51

Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

Joanes 6:62

Akupu ehvecet Inhal o natimi aijaua naridjaivaig an nuarin iyehki is upyi hup aien um amen iran?

Joanes 8:42

Is um ika ehele ra a Iesu, El et Etmamia a Atua, el et aiyu inliinmopomia aijaua vai nyak: kis ahes ehele Atua ainyak par ham; kis eti tup ispuk ham ainyak, ja is abrai nyak aien.