Joanes 20:31 - Intas-Etipup Mat u Iesu Kristo 1863 (Aneityum Gospels)

³¹ ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.

Joanes 20:31 ပူးပေါင်းရင်းမြစ်များ

Madius 16:16

Is tas a Saimona Pitrus, um ika, Nai Kristo aiek, Inhal o Atua umoh.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Madius 4:3

Is apan ehelen natimi oop yin, um ika, El et Hal o Atua aiek, namu ika aiek yi areto inhat iji eigki.

Lukas 1:35

Is tas a nagelo, um ika ehelen, Etpu yetpan iram a Nesgan Upene, etpu ahelmon euc nemda o un Et esjilid aien: uhpu anvi nidan nitai upene iyehki napu apos aiek, par ika Inhal o Atua;

Lukas 1:4

mika an ato aiek, nikavaig, et idim inivaijec nitai iji eigki, eris esege imi euc.

Lukas 24:47

mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 10:10

Et idim apan natimi ehneg itai mika yi ehneg itai, um atgei atmas, um auahas itai: kis ham ainyak mika eri umumoh ara, yi lep esjilid acen numumoh ura.

Joanes 19:35

Aien is almoi nitai iji eigki aien, is asuptecnaig aien; et idim inivaijec intas asuptecnaig o un: et ato aien mika et inivaijec intas o un, mika aki imyiisjis ninivaijec aijaua.

Joanes 20:28

Is tas a Tomas, um ika ehelen, Ak Natimarid unyak, im lep Atua unyak.

Joanes 3:18

Eris eti ika etpu mas a natimi ineig et asgeig iran aien: ja eris idim ika etpu mas a natimi ineig et eti asgeig iran aien, va nedo o un, nikavaig, et eti asgeig aien an nidai Inhal o Atua et ethi ache.

Joanes 3:36

Aien et asgeig irai Inhal o Atua aien, et o un nitai umoh iran ineig inyi ti lep ti: aien et eti asgeig irai Inhal o Atua aien, inyi ti ecetai nitai umoh iran aien; ja et amen iran intavaitap o Atua.

Joanes 5:24

Et idim inivaijec ineig ek asaig ehelemia ainyak mika, Aien et atahaijeg intas unyak aien, um asgeig iran is abrai nyak aien, et leh nitai umoh iran ineig aien inyi ti lep ti, inyi ti lep leh neru va nedo has o un aien; is aha vai inmas aien um leh nitai umoh iran.

Joanes 6:40

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.