Joanes 20:28 - Intas-Etipup Mat u Iesu Kristo 1863 (Aneityum Gospels)

²⁸ Is tas a Tomas, um ika ehelen, Ak Natimarid unyak, im lep Atua unyak.

Joanes 20:28 ပူးပေါင်းရင်းမြစ်များ

Madius 14:33

Ara eris amen an nelcau ara, eris apan ara um atpuse an nuhup o un, um ika, Et idim inivaijec ineig, nikavaig, nai Hal o Atua aiek.

Lukas 24:52

Eris alaigaheni vai yin ara, um adumoij pan Jerusalem, um imyiacitak alupas:

Joanes 1:1

Is eteuc a Intas an naopan iyehki is pam eti eteuc nobohtan, is amen a Intas ehele Atua, is lep Atua a Intas.

Joanes 20:16

Is um ika ehelen a Iesu, Ak Mere. Is ahidai yin aien, um ika ehelen, Ak Rabonai; nesgan tas ineigki, Ak Natimi esege.

Joanes 20:27

Is um ika ehele Tomas aien, Imyihio nupsikmam aiek, um almoi nikmak; um lep imyihio nikmam aiek, um ati an nahaijik: um jim imyiisjis nahcil aiek, jam imyiisjis ninivaijec.

Joanes 20:29

Is um ika ehelen a Iesu, Ak Tomas, na mun alum nyak aiek, um imyiisjis ninivaijec: era mun ahesmoij ara, era eti alum nyak ara, jam imyiisjis ninivaijec.

Joanes 20:31

ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.

Joanes 5:23

mika eri eccen vai Inhal o un natimi asega, et idivaig era eccen vai Etmak ara. Aien et eti eccen vai Inhal o un aien, et eti eccen aien vai Etman is abrai yin aien.