Joanes 20:21 - Intas-Etipup Mat u Iesu Kristo 1863 (Aneityum Gospels)

²¹ Is lep ika ehele ra a Iesu, Etmu eteuc neigpa ehelemia: is idim abraig pam nyak a Etmak, et um ucco ek abraig pan caua ainyak.

Joanes 20:21 ပူးပေါင်းရင်းမြစ်များ

Madius 10:16

Ek abraig pan caua ainyak et idivaig siip irai iblai kuri aleg: akumu arapakau aijaua et idivaig imyiv, um erop nedo unyimia et idivaig alaupa.

Madius 10:40

Aien et leh caua aien, et leh nyak aien; aien et leh nyak aien, et leh yin aien is abrai nyak aien;

Lukas 24:36

Eris wat tas jipe ara, is aiji a Iesu an nuhup ura, um ika ehele ra, Etmu eteuc neigpa ehelemia.

Joanes 13:20

Et idim inivaijec ineig ek asaig ehelemia ainyak mika, Aien et leh ra aien ek abrai ra ainyak, et leh nyak aien; aien et leh nyak aien, et leh yin aien is abrai nyak aien.

Joanes 14:27

Ek ati neigpa unyak ainyak ehelemia, ek alupai caua neigpa unyak ainyak: ekpu ahtai itai imi caua ainyak, ja inyi ti idivaig ineig er ahtai an nobohtan. Etmu jim ohocred inliinmopomia aijaua, um jim imtitaig.

Joanes 20:19

An nadiat iyehki is wat jupura, nadiat uhup irai wiik, is ipjin intapanes an nuarin-neom iyehki eris asjapicnaig iran a ilpu atimi atahaijeg yin va nimtitai nupu Jutaia ura, is ehcohos pan a Iesu, um aiji an nuhup ura, um ika ehele ra, Etmu eteuc neigpa ehelemia.

Joanes 20:22

Is asan tas ineigki aien, ja par ehledowa ra, um ika ehele ra, Akumu leh Nesgan Upene aijaua:

Joanes 20:26

Is wat ti pan itac nadiat is eet, eris amen anliin neom a ilpu atimi atahaijeg yin, im lep Tomas: is ehcohos pan a Iesu, um aiji an nuhup ura, ja is ipjin intapanes, um ika, Etmu eteuc neigpa ehelemia.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.