Joanes 20:1 - Intas-Etipup Mat u Iesu Kristo 1863 (Aneityum Gospels)

¹ AN nadiat uhup irai wiik is apan a Mere nupu Maktala u unmun nij an nuhihialeg, an naupataupat, um ecetai natipagkivaig inhat an mun nij.

Joanes 20:1 ပူးပေါင်းရင်းမြစ်များ

Madius 27:56

is amen ehele ra a Mere nupu Mactala, im Mere risi Jakobus im Joses, im lep risi ohwat hal o Sebetaius.

Madius 27:60

um ati an mun nij mat o un, is ahti aien: um atcelcaig inhat alupas um atapanes an neucsen mun nij, um atga o un.

Madius 27:64

va nedo ineigki namu ika aiek eri ahtapanes upene inmun nij an nadiat inyi eseij, va eri jim apan a ilpu atimi atahaijeg yin an nepeig, um ahneg yin, um ika ehele atimi, Et mun nusjai aien vai inmas o un: etpu esjilid nedo ahnag ineigki iran yehki uhup.

Madius 27:66

Eris apan ara, um ahtapanes ipjin inmun nij, um ati nitai asjaaicnaig an hat, um ikni ilpu eucsupo.

Madius 28:1

Is wat ti pan itac nadiat atumop, wat lep lahlah an nadiat uhup irai wiik, is yetpan a Mere nupu Mactala im lep Mere is eche par almoi inmun nij.

Madius 28:2

Is um omoi alupas; is ahes an nohatag a nagelo o Natimarid, um asuol, um apan um atipagki inhat an neucsen mun nij, um ateuc iran.

Joanes 11:38

Is wat yetpan u nehpanitai a Iesu, is lep ohocred inliinmopon aien. Immun nij iyehki, is amen inhat atapanes iran.

Joanes 11:41

Eris atipagki inhat ara an nuarin iyehki eris ati natimi mas iran. Is easji pan a Iesu, um ika, Ak Etmak, naaurineig, na mun atahaijeg nyak aiek:

Joanes 19:25

Is aiji a risi Iesu ubutpotet u nauincai atgeig o un, im lep etoai risin, Mere ehgai Kleofas, im Mere nupu Maktala.

Joanes 20:26

Is wat ti pan itac nadiat is eet, eris amen anliin neom a ilpu atimi atahaijeg yin, im lep Tomas: is ehcohos pan a Iesu, um aiji an nuhup ura, ja is ipjin intapanes, um ika, Etmu eteuc neigpa ehelemia.