Joanes 2:11 - Intas-Etipup Mat u Iesu Kristo 1863 (Aneityum Gospels)

¹¹ Is atupun a Iesu um ago nauritai ehka ineigki Kena an pece Calili, um ehvaig natimi alupas o un; eris imyiisjis ninivaijec yin a ilpu atimi atahaijeg yin.

Joanes 2:11 ပူးပေါင်းရင်းမြစ်များ

Joanes 1:14

Is leh nohun a Intas, um amen eheleija, (ektijis almoi natimi alupas o un aijumtaij, natimi alupas o Inhal o Etman et ethi ache,) is esjilid acen naiheuc o un, is lep idim inivaijec aien.

Joanes 1:17

Is alupai caija intas alep a Moses, ja is ahes ehele Iesu Kristo intas aiheuc va atimi um inivaijec.

Joanes 1:43

Is wat lahlah an tak apnyin, is ika a Iesu yi apan Calili, is ecet Filipus aien, um ika ehelen, Apitac nyak aiek.

Joanes 1:50

Is tas a Iesu, um ika ehelen, Nai imyiisjis ninivaijec aiek vai intas ineig ek mun asaig ehelum ainyak mika, Kis ecet euc ainyak ithan nateg? napu ecetai aiek niji itai inyi esjilid irai itai iji eigki.

Joanes 10:41

Eris asjapicnaig pan ehelen natimi is ahinag, um ika, Is eti ago tah nauritai ehka a Joanes: ja et inivaijec intas asega is asaig a Joanes vai natimi ineigki.

Joanes 11:15

ek imyiacitak ainyak vai caua, va nitai ineigki, nikavaig, kis eti amen ainyak eahki, mika aki imyiisjis ninivaijec aijaua; ja intumu apan ehelen akaija.

Joanes 11:47

Eris asjapicnaig a ilpu atimi ahlap esjilid im ilpu Farisi, um tas jipe, um ika, Inta ago inhe akaija? et idim ago niji auritai ehka et ahinag a natimi ineigki:

Joanes 12:18

va nitai ineigki eris lep aubillid yin atimi, eris idim atahaijeg ara mika is ago nauritai ehka ineigki aien.

Joanes 12:37

Is ago nauritai ehka is ahinag aien an nuhup ura, ja eris eti asgeig iran ara:

Joanes 12:41

Is asan tas iji eigki a Aiseya, is wat almoi natimi alupas o un aien, um tas vai yin.

Joanes 14:13

Nitai iji eigki eka ugni aijaua an nidak, ekpu ago ainyak, va uhpu imyiahpas Etmak vai Inhal o un.

Joanes 16:27

et idim aiyu inliinmopoi Etmak vai caua, va nitai ineig, nikavaig, et aiyu inliinmopomia aijaua vai nyak, um lep imyiisjis ninivaijec mika kis ahes ehele Atua ainyak.

Joanes 16:30

ecra ato aijama an naopan ineig, mika na tup ispum ato niji itai asega aiek, um eti ika yi pu ahodai euc tah natimi: va nitai ineigki, ecra imyiisjis ninivaijec aijama mika as ahes ehele Atua aiek.

Joanes 2:1

Is wat ti pan itac nadiat is eseij, eris auanetha an natmehgan Kena an pece Calili; is amen eahki a risi Iesu:

Joanes 2:23

Is wat amen Jerusalem aien u napaska, an nadiat asjapicnaig, eris wat almoi niji auritai ehka o un natimi is ahinag, eris imyiisjis ninivaijec yin ara.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 4:3

is ahes Jutaia aien, um atga o un, um lep apan Calili.

Joanes 4:46

Is lep apan Kena a Iesu an pece Calili, eahki is ago waina an wai aien. Is eteuc natimi alupas is ethi, is emehe inhalav atamaig o un Kaperneum.

Joanes 4:54

Nehcero ago nauritai ehka o Iesu neigki an nahes o un Jutaia um apan Calili.

Joanes 5:23

mika eri eccen vai Inhal o un natimi asega, et idivaig era eccen vai Etmak ara. Aien et eti eccen vai Inhal o un aien, et eti eccen aien vai Etman is abrai yin aien.

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 6:2

Eris wat almoi niji auritai ehka o un iji eigki is ago aien irai ilpu atimi emehe natimi is ahinag acen, eris apitac yin ara.

Joanes 6:26

Is tas a Iesu, um ika ehele ra, Et idim inivaijec ineig ek asaig ehelemia ainyak mika, Eka eti ahilek nyak aijaua va niji auritai ehka iji eigki akis ecetai aijaua, jai va areto iji eigki akis hegaig aijaua, um gaije iran:

Joanes 6:30

Eris lep ika ehelen ara, Nev auritai ehka ineig na ago aiek, mika ecri almoi aijama, um imyiisjis ninivaijec euc? na ago inhe aiek?

Joanes 7:31

Eris lep asgeig iran natimi is ahinag, eris tas ara, um ika, Et wit ham a Kristo, inyi ti ago niji auritai ehka aien inyi esjilid irai itai iji eigki et ago a natimi ineigki.

Joanes 9:16

Eris ika nahaiji ilpu Farisi, Is eti ahes ehele Atua natimi ineigki, et eti apos nadiat atumop aien. Eris lep ika nahaiji ra, Et ehka vai natimi ineig et auatatimi aien nagovaig nauritai ehka iji eigki. Eris imyiisjis jipe ara.