Joanes 19:6 - Intas-Etipup Mat u Iesu Kristo 1863 (Aneityum Gospels)

⁶ Eris wat alum yin a ilpu atimi ahlap esjilid, im ilpu aheca, eris ahlaig ijinies ara, um ika, Atgei yin an nauincai atgeig, atgei yin an nauincai atgeig. Is um ika ehele ra a Pailet, Leh yin aijaua, um atgei yin an nauincai atgeig: ja ek eti ecetai tah nedo has o un ainyak.

Joanes 19:6 ပူးပေါင်းရင်းမြစ်များ

Madius 26:58

Is apitac yin a Pitrus, jam itac acen vai yin, um apan an nimnim o natimi esjilid an nahlap, is apan aien um ateuc ehele ilpu aheca, mika yi almoi ehneijai nedo ura vai yin.

Madius 27:22

Is um ika ehele ra a Pailet, Ekpu ago inhe ainyak irai Iesu er anvi nidan par ika Kristo? Eris ika ara asega, Eri atgei yin an nauincai atgeig.

Madius 27:24

Is wat ato a Pailet, nikavaig, is auatialidi nimyiisjis o un, um esjilid nehtauo o atimi, is leh inwai aien, um ahisjim an nuhup ura, um ika, Ek adicinadicin ainyak vai inja irai natimi upene ineigki: tup aijaua marom.

Lukas 23:4

Is ika a Pailet ehele ilpu atimi ahlap esjilid im lep atimi asega, Ek mun eti ecetai tah nedo has o natimi ineigki ainyak.

Joanes 18:3

Is leh ilpu eucsupo a Jutas, im ilpu aheca ehele ilpu atimi ahlap esjilid im ilpu Farisi, um apan eahki eris apos nij va atimi ara im lamp, um atga an cop.

Joanes 18:31

Is um ika ehele ra a Pailet, Leh yin aijaua, um aru nedo has o un et idivaig intas alep unyimia. Eris um ika ehelen a nupu Jutaia, Et itaup vai cama natgei atimi vaig: --

Joanes 18:38

Is um ika ehelen a Pailet, Nitai inivaijec neigki inhe? Is asan tas ineigki aien ja par alau ijo, um apan ehele nupu Jutaia, um ika ehele ra, Ek eti ecetai tah nedo has o un ainyak:

Joanes 19:15

Ja eris ahlaig ijinies ara, um ika, Imyiapan yin, imyiapan yin, um atgei yin an nauincai atgeig. Is um ika ehele ra a Pailet, Ekpu atgei Natimarid unyimia ainyak an nauincai atgeig, ka o’o? Eris ika a ilpu atimi ahlap esjilid, Et atimarid unyima ache a Sisar.

Joanes 19:4

Is lep alau ijo a Pailet, um ika ehele ra, Ek mun imyiapam yin ehelemia ainyak, mika aki ato aijaua, nikavaig, ek eti ecetai tah nedo has o un ainyak.