Joanes 19:4 - Intas-Etipup Mat u Iesu Kristo 1863 (Aneityum Gospels)

⁴ Is lep alau ijo a Pailet, um ika ehele ra, Ek mun imyiapam yin ehelemia ainyak, mika aki ato aijaua, nikavaig, ek eti ecetai tah nedo has o un ainyak.

Joanes 19:4 ပူးပေါင်းရင်းမြစ်များ

Madius 27:19

Is wat ateuc aien an nitai ateuc tas alep iran, is abraig pan tah ehelen a ehgan, um ika, Jim ago tah nitai aiek irai natimi upene ineigki: et mun alupas nohocred unyak vai yin an numjeg ahnag unyak inpeig.

Madius 27:24

Is wat ato a Pailet, nikavaig, is auatialidi nimyiisjis o un, um esjilid nehtauo o atimi, is leh inwai aien, um ahisjim an nuhup ura, um ika, Ek adicinadicin ainyak vai inja irai natimi upene ineigki: tup aijaua marom.

Madius 27:4

um ika, Kis mun ago nedo has ainyak, um aniv natimi upene ineigki. Eris um ika ara, Eruauo vai cama? tup aiek marom.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Lukas 23:4

Is ika a Pailet ehele ilpu atimi ahlap esjilid im lep atimi asega, Ek mun eti ecetai tah nedo has o natimi ineigki ainyak.

Lukas 23:41

eh mun idim ago nedo atoh vai caijau; intau mun leh nimtan nedo ujau akaijau: ja is eti ago tah nedo has natimi ineigki.

Lukas 23:47

Is wat almoi nitai iji eigki a natimi alupas u ilpu eucsupo, is imyiahpas Atua aien, um ika, Et idim atimi upene natimi ineigki.

Joanes 18:33

Is lep apan a Pailet anliin nimnim tas alep iran, um ahlaig vai Iesu, um ika ehelen, Na atimarid u nupu Jutaia aiek, ka o’o?

Joanes 18:38

Is um ika ehelen a Pailet, Nitai inivaijec neigki inhe? Is asan tas ineigki aien ja par alau ijo, um apan ehele nupu Jutaia, um ika ehele ra, Ek eti ecetai tah nedo has o un ainyak:

Joanes 19:6

Eris wat alum yin a ilpu atimi ahlap esjilid, im ilpu aheca, eris ahlaig ijinies ara, um ika, Atgei yin an nauincai atgeig, atgei yin an nauincai atgeig. Is um ika ehele ra a Pailet, Leh yin aijaua, um atgei yin an nauincai atgeig: ja ek eti ecetai tah nedo has o un ainyak.