Joanes 18:37 - Intas-Etipup Mat u Iesu Kristo 1863 (Aneityum Gospels)

³⁷ Is um ika ehelen a Pailet, Na idim atimarid aiek, ka o’o? Is um ika a Iesu, Na mun asaig aiek mika ek atimarid ainyak: eris apos nyak va nitai ineigki, kis lep ham ainyak an nobohtan va nitai ineigki, mika ki asuptecnaig nitai inivaijec ainyak: ara asega era apol an nitai inivaijec ara, era imyiaiji intas unyak ara.

Joanes 18:37 ပူးပေါင်းရင်းမြစ်များ

Madius 26:64

Is um ika ehelen a Iesu, Na mun asaig aiek: ja ek asaig ehelemia ainyak mika, Akupu ecet Inhal o natimi aijaua an tak aopan nateucvaig an matan Et emda aien, im lep napam o un an nepeig an nohatag.

Madius 27:11

Is um atidai a Iesu an nuhup o natimarid: is ahodai yin a natimarid, um ika, Na Atimarid u nupu Jutaia aiek, ka o’o? Is ika ehelen a Iesu, Na mun asaig aiek.

Lukas 22:70

Eris ika ara asega, Nai Hal o Atua aiek, ka o’o? Is ika ehele ra aien, Eka mun asaig aijaua ek idim ucco ainyak.

Lukas 23:3

Is ahodai yin a Pailet, um ika, Na atimarid u nupu Jutaia aiek, ka o’o? Is tas ehelen aien, um ika, Na mun asaig aiek.

Joanes 1:14

Is leh nohun a Intas, um amen eheleija, (ektijis almoi natimi alupas o un aijumtaij, natimi alupas o Inhal o Etman et ethi ache,) is esjilid acen naiheuc o un, is lep idim inivaijec aien.

Joanes 1:17

Is alupai caija intas alep a Moses, ja is ahes ehele Iesu Kristo intas aiheuc va atimi um inivaijec.

Joanes 14:6

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache:

Joanes 3:32

Et asuptecnaig nitai ineigki aien is ecetai aien um atahaijeg; ja et idim eti leh intas asuptecnaig o un tah natimi.

Joanes 7:17

El et merit tah natimi nimyiaijivaig intas o un, inyi ato aien, kit is ahes ehele Atua nesege unyak, ka ek ispuk tas ainyak.

Joanes 8:14

Is tas a Iesu, um ika ehele ra, Ek asuptecnaig nyak ainyak, et inivaijec intas asuptecnaig nyak unyak: ek ato ainyak inuarin ineig kis ahes iran ainyak, im lep napan unyak iran; ja eka eti ato aijaua inuarin ineig kis ahes iran ainyak, im lep napan unyak iran:

Joanes 8:45

Ek tas inivaijec ehelemia ainyak, ja eka eti eteuc an tas unyak aijaua.

Joanes 8:46

Et ehka vaig tah caua par ika ek ago nedo has ainyak. Ek wat asan tas inivaijec ehelemia ainyak, eka auri aijaua par eti eteuc an tas unyak?

Joanes 8:47

Aien et atimi o Atua aien, et ahaijeg intas o Atua aien: eka eti ahaijeg aijaua, va nitai ineigki, nikavaig, eka eti ilpu atimi o Atua aijaua.