Joanes 18:32 - Intas-Etipup Mat u Iesu Kristo 1863 (Aneityum Gospels)

³² va uhpu ehneijid intas iyehki, is upyi asaig a Iesu, par asuptecnaig nedo vai inmas o un.

Joanes 18:32 ပူးပေါင်းရင်းမြစ်များ

Madius 20:19

erupu ati yin ara ehele nup urai taka pece, mika eri imyiafakahcil yin ara, um aredei yin, um atgei yin an nauincai atgeig: ja et wit ti pan itac nadiat inyi eseij etpu lep nusjai aien.

Madius 26:2

Eka ato aijaua, nikavaig, et wit ti pan itac nadiat inyi ero, uhu wit asjapicnaig u napaska; uhpu aniv Inhal o natimi mika eri atgei yin an nauincai atgeig.

Joanes 10:31

Eris lep arapse vai hat a nupu Jutaia mika eri asji yin.

Joanes 10:33

Eris tas ehelen a nupu Jutaia, um ika, Ecra eti asji euc aijama vaig tah nauritai upene; ja vai intas has esjilid; na atimi aiek, jai na ika aiek, na idim Atua.

Joanes 13:18

Ek eti tas ainyak vai caua asega: ek ato ainyak natimi iji eigki kis ehtai ra ainyak: ja va uhpu ehneijid intas eris aged, um ika, “Aien et hag ehelek aien, et mun atijai nijinalak an neduon aien vai nyak.”

Joanes 18:31

Is um ika ehele ra a Pailet, Leh yin aijaua, um aru nedo has o un et idivaig intas alep unyimia. Eris um ika ehelen a nupu Jutaia, Et itaup vai cama natgei atimi vaig: --

Joanes 21:19

Is asan tas ineigki aien par asuptecnaig nedo vai inmas o un ineig etpu imyiahpas Atua vaig aien. Is asan tas ineigki aien, ja par ika ehelen, Apitac nyak aiek.

Joanes 3:14

Is atijai nimyiv an namasacen a Moses, etpu idim ucco eris idim ika uhpu atijai Inhal o natimi:

Joanes 8:28

Is um ika ehele ra a Iesu, Aku wit atijai Inhal o natimi aijaua, akupu ato aijaua, nikavaig, et atimi iyehki ainyak, im lep ineig, nikavaig, ek eti ispuk ago tah nitai ainyak; ja ek asaig nitai iji eigki ainyak is esege imtak a Etmak: