Joanes 17:6 - Intas-Etipup Mat u Iesu Kristo 1863 (Aneityum Gospels)

⁶ Kis asuptecnaig nidam ainyak ehele atimi iji eigki an nobohtan, as alupai nyak ra aiek: eris idim unyum ara, as alupai nyak ra aiek; eris apos intas unyum ara.

Joanes 17:6 ပူးပေါင်းရင်းမြစ်များ

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 12:28

Ak Etmak, namu ika aiek eri imyiahpas nidam. Is ahes an nohatag nohran tah, um ika, Ek mun imyiahpas ainyak, ekpu lep imyiahpas ainyak.

Joanes 15:19

El eka atimi an nobohtan aijaua, el et aiyu inliinmopoi atimi an nobohtan vai caua atimi ura: ja eka eti atimi an nobohtan aijaua, kis ehtai caua ira atimi an nobohtan ainyak, va nitai ineigki, era amcel vai caua natimi an nobohtan.

Joanes 15:3

Eh mun ahped upene caua an tas ineigki ek mun asuptecnaig ehelemia ainyak.

Joanes 15:7

El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua.

Joanes 17:12

Kis wat amen ehele ra an nobohtan ainyak, kis aminjinai ra ainyak an nidam: kis aminjina atimi iji eigki ainyak as alupai nyak ra aiek; et eti melga tah ra, nihki natimi ache; va uhpu ehneijid intas ineig eris upyi aged.

Joanes 17:14

Kis alupai ra intas unyum ainyak; era amcel vai ra natimi an nobohtan, va nitai ineig, nikavaig, era eti atimi an nobohtan ara, et idivai nyak, ek eti atimi an nobohtan ainyak.

Joanes 17:16

Era eti atimi an nobohtan ara, et idivai nyak, ek eti atimi an nobohtan ainyak.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 17:24

Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

Joanes 17:26

Ek mun asuptecnaig nidam ehele ra ainyak, ekpu lep asuptecnaig ainyak; mika yi aiyu inliinmopom aiek vai ra, et idivai naiyu u inliinmopom vai nyak, ekpu lep amen ehele ra ainyak.

Joanes 17:7

Era ato ara, nikavaig, is ahes ehelum niji itai asega as alupai nyak aiek.

Joanes 18:9

va uhpu ehneijid intas iyehki is upyi asaig aien, um ika, Et eti melga tah et ethi irai ra sji eigki, as alupai nyak ra aiek.

Joanes 6:37

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak:

Joanes 6:39

intas alep o Etmak ineigki is abrai nyak aien, mika ki ti eipujaig tah ra ainyak is alupai nyak ra aien, jam imyiatidai ra an nadiat apitac:

Joanes 8:51

Et idim inivaijec ineig ek asaig ehelemia ainyak mika, El et apol an tas unyak tah natimi, inyi idim eti mas aien.

Joanes 8:52

Eris um ika ehelen a nupu Jutaia, Ecra idim ato aijama mika, et amen ehelum a nagelo has: is mas a Ebraham, im lep ilpu profeta; ja na ika aiek, El et apol an tas unyak tah natimi, inyi idim eti mas aien: --