Joanes 17:5 - Intas-Etipup Mat u Iesu Kristo 1863 (Aneityum Gospels)

⁵ Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 17:5 ပူးပေါင်းရင်းမြစ်များ

Madius 25:34

Etpu ika a Natimarid ehele ra an matan, Apam aijaua, ak ilpu atimi is aiheuc vai caua a Etmak, um amen an nelcau ineig eris ago imi caua an naopan iyehki is pam eti eteuc nobohtan:

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 10:30

Ek tup ethi ache ainyak im Etmak.

Joanes 14:9

Is um ika ehelen a Iesu, Ak Filipus, kis amen ehelemia ainyak itu acen, ja na idim eti ato nyak aiek, ka o’o? aien et mun alum nyak aien, et alum Etmak aien; na auri aiek par ika, Ehvai Etmam aiek ehelema?

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum:

Joanes 17:24

Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

Joanes 3:13

Is eti aridjai an nohatag tah natimi, aien ache is ahes an nohatag aien um asuol, Inhal o natimi, et amen aien an nohatag.

Joanes 8:58

Is um ika ehele ra a Iesu, Et idim inivaijec ineig ek asaig ehelemia ainyak mika, an naopan iyehki is pam eti eteuc a Ebraham, EK TUP ETEUC AINYAK.