Joanes 17:3 - Intas-Etipup Mat u Iesu Kristo 1863 (Aneityum Gospels)

³ Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Joanes 17:3 ပူးပေါင်းရင်းမြစ်များ

Lukas 9:48

um ika ehele ra, Aien etpu leh inhalav ineigki an nidak aien, et leh nyak aien; aien etpu leh nyak aien, et leh yin aien is abrai nyak aien: aien et upoupo aien iramia asega, etpu esjilid aien.

Joanes 10:36

el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Joanes 11:42

kis ato ainyak, nikavaig, na atahaijeg nyak aiek irai iji adiat: ja ek mun asaig ainyak va atimi iji eigki era aiji arahed irak, mika eri imyiisjis ninivaijec ara, nikavaig, as abrai nyak aiek.

Joanes 14:26

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Joanes 17:18

As idim abrai nyak aiek mika ki ham an nobohtan ainyak, et um ucco kis abrai ra ainyak, mika eri terimterim ara an nobohtan.

Joanes 17:21

mika eri tup ethi ache ara, um idivai caijau, na amen ehelek aiek, ak Etmak, ek lep amen ehelum ainyak, mika eri lep amen eheleijau ara um tup ethi ache: va erupu imyiisjis ninivaijec natimi an nobohtan mika as abrai nyak aiek.

Joanes 17:23

ekmu amen ehele ra ainyak, um lep amen ehelek aiek, mika eri tup ethi ache ara um esjilid; va erupu ato natimi an nobohtan mika as abrai nyak aiek, um lep aiyu inliinmopom aiek vai ra, et idivaig naiyu u inliinmopom vai nyak.

Joanes 17:25

Ak Etmak upene, era eti ato euc natimi an nobohtan: ja ek ato euc ainyak, era lep ato ara sji eigki mika as abrai nyak aiek.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Joanes 5:44

Et ehka vai caua nimyiisjis ninivaijec vaig, eka imyiahpas jipe caua aijaua, jam eti ahilek nimyiahpas ineig et ahes ehele Atua ineig et ethi ache aien.

Joanes 6:57

Et idivaig is abrai nyak a Etmak umoh, ek lep umoh ainyak vai Etmak: et um ucco aien et caig nohuk aien, etpu umoh aien vai nyak.

Joanes 7:29

ek idim ato yin ainyak; kis ahes ehelen ainyak, is abrai nyak aien.

Joanes 8:19

Eris um ika ehelen ara, Etmam yek eda? Is um ika a Iesu, Eka eti ato nyak aijaua, im lep Etmak: el eka ato nyak aijaua, el eka lep ato Etmak aijaua.