Joanes 17:25 - Intas-Etipup Mat u Iesu Kristo 1863 (Aneityum Gospels)

²⁵ Ak Etmak upene, era eti ato euc natimi an nobohtan: ja ek ato euc ainyak, era lep ato ara sji eigki mika as abrai nyak aiek.

Joanes 17:25 ပူးပေါင်းရင်းမြစ်များ

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 16:16

Is tas a Saimona Pitrus, um ika, Nai Kristo aiek, Inhal o Atua umoh.

Lukas 10:22

Is ikni niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Joanes 1:18

Is idim eti ecet Atua tah natimi; ja is asuptecnai yin a Inhal o un et ethi ache, et amen aien an riti Etman.

Joanes 10:15

et idivaig nato nyak o Etmak, im lep nato Etmak unyak: ek ahtai nitai umoh iran unyak ainyak vai siip unyak.

Joanes 15:21

Erupu ago nitai iji eigki asega vai caua ara va nidak, va nitai ineigki, nikavaig, era eti ato yin ara is abrai nyak aien.

Joanes 16:27

et idim aiyu inliinmopoi Etmak vai caua, va nitai ineig, nikavaig, et aiyu inliinmopomia aijaua vai nyak, um lep imyiisjis ninivaijec mika kis ahes ehele Atua ainyak.

Joanes 16:3

Erupu ago nitai iji eigki iramia ara, va nitai ineigki, nikavaig, era eti ato Etmak ara, im lep nyak.

Joanes 16:30

ecra ato aijama an naopan ineig, mika na tup ispum ato niji itai asega aiek, um eti ika yi pu ahodai euc tah natimi: va nitai ineigki, ecra imyiisjis ninivaijec aijama mika as ahes ehele Atua aiek.

Joanes 17:11

Inki ti lep amen an nobohtan ainyak, ja era amen an nobohtan ara sji eigki, ekpu apam ehelum ainyak. Ak Etmak upene, aminjina atimi iji eigki aiek an nidam as alupai nyak ra aiek, mika eri tup ethi ache ara, um idivai caijau.

Joanes 17:18

As idim abrai nyak aiek mika ki ham an nobohtan ainyak, et um ucco kis abrai ra ainyak, mika eri terimterim ara an nobohtan.

Joanes 17:21

mika eri tup ethi ache ara, um idivai caijau, na amen ehelek aiek, ak Etmak, ek lep amen ehelum ainyak, mika eri lep amen eheleijau ara um tup ethi ache: va erupu imyiisjis ninivaijec natimi an nobohtan mika as abrai nyak aiek.

Joanes 17:23

ekmu amen ehele ra ainyak, um lep amen ehelek aiek, mika eri tup ethi ache ara um esjilid; va erupu ato natimi an nobohtan mika as abrai nyak aiek, um lep aiyu inliinmopom aiek vai ra, et idivaig naiyu u inliinmopom vai nyak.

Joanes 17:3

Nitai umoh iran ineig inyi ti lep ti ineigki, mika eri ato euc ara, nikavaig, na Atua inivaijec ache aiek, im Iesu Kristo, as abraig yin aiek.

Joanes 17:8

Kis alupai ra ainyak intas iji eigki as alupai nyak aiek; eris leh ara, um ato upene mika kis idim ahes ehelum ainyak; era lep imyiisjis ninivaijec ara mika as abrai nyak aiek.

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Joanes 6:19

Eris wat aheled pan ara is dri ka for mail, ja par ecet Iesu natgavaig an jop, um ubutpotet pan u nelcau: eris um imtitaig ara.

Joanes 7:29

ek idim ato yin ainyak; kis ahes ehelen ainyak, is abrai nyak aien.

Joanes 8:19

Eris um ika ehelen ara, Etmam yek eda? Is um ika a Iesu, Eka eti ato nyak aijaua, im lep Etmak: el eka ato nyak aijaua, el eka lep ato Etmak aijaua.

Joanes 8:55

eka mun eti ato yin aijaua; ja ek ato yin ainyak: el ek ika ainyak, Ek eti ato yin ainyak, el ek atimi ahcil ainyak um idivai caua: ja ek ato yin ainyak, um apol an tas o un: