Joanes 17:24 - Intas-Etipup Mat u Iesu Kristo 1863 (Aneityum Gospels)

²⁴ Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

Joanes 17:24 ပူးပေါင်းရင်းမြစ်များ

Madius 25:21

Is um ika ehelen a natimi alupas o un, Et upene, ak naheca upene um inivaijec; et mun upene nedo unyum va niji itai et eti elpat, ekpu ati euc ainyak mika an esjilid aiek irai iji itai et ahinag: namu imyiacitak aiek um idivaig natimi alupas unyum.

Madius 25:23

Is um ika ehelen a natimi alupas o un, Et upene, ak naheca upene um inivaijec; et mun upene nedo unyum va niji itai et eti elpat, ekpu ati euc ainyak mika an esjilid aiek irai iji itai et ahinag: namu imyiacitak aiek um idivaig natimi alupas unyum.

Madius 25:34

Etpu ika a Natimarid ehele ra an matan, Apam aijaua, ak ilpu atimi is aiheuc vai caua a Etmak, um amen an nelcau ineig eris ago imi caua an naopan iyehki is pam eti eteuc nobohtan:

Madius 26:29

ja ek asaig ehelemia ainyak mika, Inki ti lep umnyi nidi vaine ainyak, um uhum pan naopan iyehki, ekpu umnyi waina mat ainyak ehelemia an nelcau o Etmak.

Lukas 12:37

era mun ahesmoij a ilpu aheca iji eigki, et wat han ehele ra natimi alupas ura, um ecet ra naitgai yin vaig: et inivaijec ineig ek asaig ehelemia ainyak mika, etpu arore nijihgan aien an nitai ahid, um ika ehele ra eri ateucse ara um hag, etpu han aien um aheca ura:

Lukas 23:43

Is ika ehelen a Iesu, Et inivaijec ineig ek asaig ehelum ainyak mika, Napu amen ehelek aiek a paratais an nadiat ineigki.

Joanes 1:14

Is leh nohun a Intas, um amen eheleija, (ektijis almoi natimi alupas o un aijumtaij, natimi alupas o Inhal o Etman et ethi ache,) is esjilid acen naiheuc o un, is lep idim inivaijec aien.

Joanes 12:26

El et aheca unyak tah natimi, etmu ahced nyak aien; etpu lep amen a naheca unyak an nuarin ineig ek amen iran ainyak: el et aheca unyak tah natimi, etpu imyiahpas yin a Etmak.

Joanes 14:3

ek wit apan ainyak um yecrei inuarin imi caua, ja par lep ham, um leh caua imi nyak; mika aki amen aijaua an nuarin ineig ekpu amen iran ainyak:

Joanes 15:9

Et idim aiyu inliinmopoi Etmak vai nyak, et um ucco et aiyu inliinmopok ainyak vai caua: akumu amen aijaua an naiyu u inliinmopok vai caua.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 17:22

Ek mun alupai ra natimi alupas iyehki ainyak as alupai nyak aiek; mika eri tup ethi ache ara, um idivai caijau:

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 6:37

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak:

Joanes 6:39

intas alep o Etmak ineigki is abrai nyak aien, mika ki ti eipujaig tah ra ainyak is alupai nyak ra aien, jam imyiatidai ra an nadiat apitac:

Joanes 8:58

Is um ika ehele ra a Iesu, Et idim inivaijec ineig ek asaig ehelemia ainyak mika, an naopan iyehki is pam eti eteuc a Ebraham, EK TUP ETEUC AINYAK.