Joanes 17:2 - Intas-Etipup Mat u Iesu Kristo 1863 (Aneityum Gospels)

² as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 17:2 ပူးပေါင်းရင်းမြစ်များ

Madius 11:27

Is ati niji itai asega imi nyak a Etmak: et eti ato Inhal o Atua tah, Etmak ache; um eti ato Etmak tah, Inhal o Atua ache, im lep ra et merit a Inhal o Atua naniv yin vaig ehele ra.

Madius 25:46

Erupu apan ara sji eigki an nuarin ohocred, um amen irai iji mesese: ja erupu apan a ilpu atimi upene an nuarin umumoh, um amen iran irai iji mesese.

Madius 28:18

Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Joanes 17:24

Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

Joanes 17:6

Kis asuptecnaig nidam ainyak ehele atimi iji eigki an nobohtan, as alupai nyak ra aiek: eris idim unyum ara, as alupai nyak ra aiek; eris apos intas unyum ara.

Joanes 17:9

Ek ugni euc ainyak vai ra: ek eti ugni euc ainyak va atimi an nobohtan, ja vai ra ache as alupai nyak ra aiek; era idim unyum ara.

Joanes 3:35

Et aiyu inliinmopoi Etmak vai Inhal o un, is ati niji itai asega ehelen aien.

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Joanes 6:27

akumu jim auritai aijaua va nitai caig ineig et eti laulau um has, ja va nitai caig ineig inyi amen an nitai umoh iran inyi ti lep ti, etpu alaamia a Inhal o natimi: is idim ati nitai asjaaicnaig vai yin a Atua Etman.

Joanes 6:37

erupu ahtag pam ehelek ara asega is alupai nyak ra a Etmak; aien et ham ehelek aien, inki idim eti acaiji yin ainyak:

Joanes 6:39

intas alep o Etmak ineigki is abrai nyak aien, mika ki ti eipujaig tah ra ainyak is alupai nyak ra aien, jam imyiatidai ra an nadiat apitac: