Joanes 17:11 - Intas-Etipup Mat u Iesu Kristo 1863 (Aneityum Gospels)

¹¹ Inki ti lep amen an nobohtan ainyak, ja era amen an nobohtan ara sji eigki, ekpu apam ehelum ainyak. Ak Etmak upene, aminjina atimi iji eigki aiek an nidam as alupai nyak ra aiek, mika eri tup ethi ache ara, um idivai caijau.

Joanes 17:11 ပူးပေါင်းရင်းမြစ်များ

Madius 10:16

Ek abraig pan caua ainyak et idivaig siip irai iblai kuri aleg: akumu arapakau aijaua et idivaig imyiv, um erop nedo unyimia et idivaig alaupa.

Madius 5:48

Akumu ago nedo atoh asega aijaua, et idivaig Etmamia an nohatag, et idim atoh nedo asega o un.

Madius 6:9

Etmu ucce nalaigaheni unyimia aijaua: Ak Etmama an nohatag, Etmu itaup nidam.

Joanes 13:1

An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 13:3

is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par apan ehele Atua;

Joanes 14:20

Akupu ato aijaua an naopan iyehki, nikavaig, ek amen ehele Etmak ainyak, um lep amen ehelek aijaua, um lep amen ehelemia ainyak.

Joanes 16:28

Kis ahes ehele Etmak ainyak, um ham an nobohtan: ekpu lep ude nobohtan ainyak, um apan ehele Etmak.

Joanes 16:33

Ek mun asuptecnaig nitai iji eigki ehelemia ainyak, mika yi eigpa inliinmopomia aijaua vai nyak. Akupu ohocred aijaua an nobohtan: jam jim auatialidi; ek esjilid ainyak ira atimi an nobohtan.

Joanes 17:23

ekmu amen ehele ra ainyak, um lep amen ehelek aiek, mika eri tup ethi ache ara um esjilid; va erupu ato natimi an nobohtan mika as abrai nyak aiek, um lep aiyu inliinmopom aiek vai ra, et idivaig naiyu u inliinmopom vai nyak.

Joanes 17:25

Ak Etmak upene, era eti ato euc natimi an nobohtan: ja ek ato euc ainyak, era lep ato ara sji eigki mika as abrai nyak aiek.

Joanes 17:6

Kis asuptecnaig nidam ainyak ehele atimi iji eigki an nobohtan, as alupai nyak ra aiek: eris idim unyum ara, as alupai nyak ra aiek; eris apos intas unyum ara.

Joanes 7:33

Is um ika ehele ra a Iesu, Etpu idim ipjidipjid namen unyak ehelemia, ekpu apan ehelen ainyak is abrai nyak aien: