Joanes 16:7 - Intas-Etipup Mat u Iesu Kristo 1863 (Aneityum Gospels)

⁷ ja ek asaig intas inivaijec ehelemia ainyak; Et upene vai caua mika ki apan ainyak: el ek eti apan ainyak, inyi ti yetpam ehelemia a Natimi atau iramia; ja el ek apan ainyak, ekpu abraig pam yin ainyak ehelemia.

Joanes 16:7 ပူးပေါင်းရင်းမြစ်များ

Lukas 24:49

Ekpu alupai caua ainyak intas upyi asaig o Etmak: jam amen aijaua an nuarin-pece Jerusalem, um uhum pan naopan iyehki akupu leh nemda aijaua jipagko.

Lukas 4:25

Ek idim asan tas inivaijec ehelemia ainyak mika, eris amen an pece Isreel a ilpu takata is ahinag eris emesmas a ilpu atamnyura an naopan iyehki, an numoh o Elaija, eris atapanes an nohatag an mesese is eseij im lep inmohoc is siks, is um alupas numlaig has an pece asega;

Lukas 9:27

Et inivaijec ineig ek asaig ehelemia ainyak mika, Era aiji igcaki nahaiji atimi eri upyi hup ara um ecetai nelcau o Atua, ja par emesmas.

Joanes 14:26

Jai Natimi atau iramia, et Esgan Upene aien, etpu abrai yin a Etmak an nidak, etpu esege imi caua aien niji itai asega, um ahugni lelmia an niji itai asega iji eigki kis asaig ehelemia ainyak.

Joanes 14:28

Akis atahaijeg aijaua intas unyak ehelemia, nikavaig, inki apan ainyak, ja par lep ham ehelemia. El et aiyu inliinmopomia aijaua vai nyak, el eka imyiacitak aijaua vai intas unyak, nikavaig, Ekpu apan ehele Etmak ainyak: et idim esjilid irak a Etmak.

Joanes 14:3

ek wit apan ainyak um yecrei inuarin imi caua, ja par lep ham, um leh caua imi nyak; mika aki amen aijaua an nuarin ineig ekpu amen iran ainyak:

Joanes 15:26

Et wit ham a Natimi atau iramia ineig, ekpu abraig pan yin ainyak ehelemia, et ahes ehele Etmak aien, etpu asuptecnai nyak aien, et Esgan inivaijec aien, et ahes ehele Etmak aien um apam:

Joanes 16:8

Et wit ham aien, etpu asuptecnaig nedo has an nobohtan aien, im lep nedo atoh, im lep neru va nedo has:

Joanes 7:39

(Is asan tas ineigki aien va Nesgan Upene, aien aigki erupu leh yin a ilpu atimi asgeig iran: eris pam eti alupa atimi Nesgan Upene an naopan iyehki; va nitai ineigki, nikavaig, eris eti fi ehvaig natimi alupas o Iesu.)