Joanes 16:28 - Intas-Etipup Mat u Iesu Kristo 1863 (Aneityum Gospels)

²⁸ Kis ahes ehele Etmak ainyak, um ham an nobohtan: ekpu lep ude nobohtan ainyak, um apan ehele Etmak.

Joanes 16:28 ပူးပေါင်းရင်းမြစ်များ

Lukas 24:51

Is wat asan tas upene vai ra aien, eris atipagki yin ehele ra, um imyiaridjai yin an nohatag.

Lukas 9:51

AN naopan iyehki is wat ubutpotet u naridjai o un aien, is ika aien yi idim apan Jerusalem,

Joanes 13:1

An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 13:3

is ato a Iesu, nikavaig, is ati niji itai asega an nikman a Etman, is idim ahes ehele Atua aien, ja par apan ehele Atua;

Joanes 14:28

Akis atahaijeg aijaua intas unyak ehelemia, nikavaig, inki apan ainyak, ja par lep ham ehelemia. El et aiyu inliinmopomia aijaua vai nyak, el eka imyiacitak aijaua vai intas unyak, nikavaig, Ekpu apan ehele Etmak ainyak: et idim esjilid irak a Etmak.

Joanes 16:10

im nedo atoh, va nitai ineig, nikavaig, ekpu apan ehele Etmak ainyak, akupu eti lep ecet nyak aijaua;

Joanes 16:16

Akupu eti ecet nyak aijaua tupko; ja par lep ecet nyak tupko, va nitai ineigki, nikavaig, ekpu apan ehele Etmak ainyak.

Joanes 16:30

ecra ato aijama an naopan ineig, mika na tup ispum ato niji itai asega aiek, um eti ika yi pu ahodai euc tah natimi: va nitai ineigki, ecra imyiisjis ninivaijec aijama mika as ahes ehele Atua aiek.

Joanes 16:5

ja inki apan ainyak an naopan ineig ehelen is abrai nyak aien; ja et eti ahodai nyak tah caua, um ika, An han eda aiek?

Joanes 17:11

Inki ti lep amen an nobohtan ainyak, ja era amen an nobohtan ara sji eigki, ekpu apam ehelum ainyak. Ak Etmak upene, aminjina atimi iji eigki aiek an nidam as alupai nyak ra aiek, mika eri tup ethi ache ara, um idivai caijau.

Joanes 17:13

Ekpu apam ehelum ainyak an naopan ineig; ek asuptecnaig nitai iji eigki an nobohtan ainyak, mika yi imyiacitak alupas inliinmopura ara vai nyak.

Joanes 17:5

Ak Etmak, alupai nyak natimi alupas unyum aiek, natimi alupas iyehki ehelum, is unyak an naopan iyehki is pam eti eteuc nobohtan ineigki.

Joanes 8:14

Is tas a Iesu, um ika ehele ra, Ek asuptecnaig nyak ainyak, et inivaijec intas asuptecnaig nyak unyak: ek ato ainyak inuarin ineig kis ahes iran ainyak, im lep napan unyak iran; ja eka eti ato aijaua inuarin ineig kis ahes iran ainyak, im lep napan unyak iran:

Joanes 8:42

Is um ika ehele ra a Iesu, El et Etmamia a Atua, el et aiyu inliinmopomia aijaua vai nyak: kis ahes ehele Atua ainyak par ham; kis eti tup ispuk ham ainyak, ja is abrai nyak aien.